బాలకృష్ణ కెరీర్‌లో గుర్తుండిపోయే చిత్రం

A memorable film in Balakrishna's career– నిర్మాత సూర్యదేవర నాగవంశీ
హీరో బాలకృష్ణ ఈ సంక్రాంతికి మరో వైవిధ్యభరితమైన చిత్రం ‘డాకు మహారాజ్‌’తో అలరించడానికి సిద్ధమవుతున్నారు. ఈ చిత్రానికి బాబీ కొల్లి దర్శకత్వం వహించారు. శ్రీకర స్టూడియోస్‌ సమర్పణలో సితార ఎంటర్‌టైన్‌మెంట్స్‌, ఫార్చ్యూన్‌ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మించారు. ఈ చిత్రం సంక్రాంతి కానుకగా ఈనెల 12న భారీస్థాయిలో విడుదల కానుంది.
ఈ నేపథ్యంలో నిర్మాత సూర్యదేవర నాగవంశీ మాట్లాడుతూ, ‘ఈనెల 9న అనంతపురంలో భారీ ప్రీ ఈలీజ్‌ ఈవెంట్‌ని ప్లాన్‌ చేశాం. ఈ సినిమాని తెలుగునాట కావాల్సినన్ని థియేటర్లలో భారీగా విడుదల చేస్తున్నాం. యూఎస్‌లో కూడా భారీ స్థాయిలోనే రిలీజ్‌ ఉంటుంది. అక్కడ బుకింగ్స్‌ బాగున్నాయి. తెలుగుతో పాటు తమిళంలోనూ ఈ నెల 12నే రిలీజ్‌ చేస్తున్నాం. ఈ సినిమాతో ఈ సంక్రాంతికి ఘన విజయం సాధిస్తామనే నమ్మకం ఉంది. సినిమాలో యాక్షన్‌ సన్నివేశాలు బాగుంటాయి. ఈ సినిమా చూసి, నేను నమ్మకంగా చెబుతున్నాను. ఈ చిత్రం అసలు నిరాశ పరచదు. బాలకష్ణ కెరీర్‌లో గుర్తుండిపోయే సినిమాల్లో ఒకటిగా నిలుస్తుంది’ అని అన్నారు.
‘మొదటి నుంచి బాలకృష్ణని కొత్తగా చూపించాలనే ఉద్దేశంతో, ప్రతి విషయంలో వైవిధ్యం చూపిస్తూ ఎంతో జాగ్రత్తగా ఈ సినిమాని రూపొందించాం. ప్రచార చిత్రాలకు బాలకష్ణ అభిమానులు, ప్రేక్షకుల నుంచి మంచి స్పందన లభించింది. దాంతో సినిమా విజయం పట్ల మాకు మరింత నమ్మకం పెరిగింది. అలాగే ఈ చిత్రం రాబోయే రోజుల్లో పలు సినిమాలకు స్ఫూర్తిగా నిలుస్తుందని బలంగా నమ్ముతున్నాను. బాలకృష్ణ అభిమానులకు ఒక మెమరబుల్‌ ఫిల్మ్‌ ఇవ్వాలనేది నాగవంశీ డ్రీమ్‌. అందుకు తగ్గట్టుగానే సరికొత్తగా ఉండేలా, ఒక మంచి సినిమాని తీశాం. ఇందులో ఐదు యాక్షన్‌ సీక్వెన్స్‌లు ఉంటాయి. ప్రతి సీక్వెన్స్‌ అభిమానులకు ఎంతో హై ఇస్తుంది. యాక్షన్‌తో పాటు మంచి వినోదం, హత్తుకునే భావోద్వేగాలతో కుటుంబ ప్రేక్షకులు మెచ్చేలా ఈ సినిమా ఉంటుంది’ అని దర్శకుడు బాబీ కొల్లి చెప్పారు. కథానాయిక ప్రగ్యా జైస్వాల్‌ మాట్లాడుతూ, ‘ట్రైలర్‌కు ఇంతటి అద్భుతమైన రెస్పాన్స్‌ ఇచ్చిన ప్రేక్షకులకు కత్ఞతలు. ఈనెల 12న నా పుట్టినరోజు. ఈ చిత్ర విజయాన్ని నా పుట్టినరోజు కానుకగా అందిస్తారని కోరుకుంటున్నాను’ అని తెలిపారు.
‘సినిమా చాలా భిన్నంగా ఉంటుంది. ఈ చిత్రంపై నాకు చాలా నమ్మకం ఉంది. నా సినీ ప్రయాణంలో ఈ చిత్రం ప్రత్యేకంగా నిలుస్తుందని నమ్మకంగా ఉన్నాను. ఈ చిత్రం మీ అందరికీ ఖచ్చితంగా నచ్చుతుంది’ అని కథానాయిక శ్రద్ధా శ్రీనాథ్‌ అన్నారు.