సుహాస్‌, సంగీర్తన హీరో, హీరోయిన్లుగా రూపొందిన చిత్రం ‘జనక అయితే గనక’. శిరీష్‌ సమర్పణలో దిల్‌రాజు ప్రొడక్షన్స్‌ పతాకంపై హర్షిత్‌ రెడ్డి, హన్షిత రెడ్డి నిర్మించారు. సందీప్‌ రెడ్డి బండ్ల డైరెక్ట్‌ చేశారు. ఈ సినిమా దసరా కానుకగా ఈనెల 12న విడుదల కానుంది. ఈ నేపథ్యంలో బందర్‌లో చిత్రయూనిట్‌ ప్రీ రిలీజ్‌ ఈవెంట్‌ను అత్యంత ఘనంగా నిర్వహించింది. ఈ కార్యక్రమానికి మంత్రి కొల్లు రవీంద్ర ముఖ్య అతిథిగా విచ్చేశారు.
దిల్‌ రాజు మాట్లాడుతూ, ‘సుహాస్‌లో మీలో ఒకడిగా ఉండేవాడు.. మీ జిల్లా వాడు. ఇంతింతై వటుడింతై అన్నట్టుగా ఎదిగాడు. డైరెక్టర్‌ సందీప్‌, సంగీర్తన ఇలా కొత్త వాళ్లతో దిల్‌ రాజు ప్రొడక్షన్స్‌లో నిర్మించిన ఈ చిత్రం పెద్ద హిట్‌ కాబోతోంది. సినిమా చూసి అందరూ నవ్వుకుని బయటకు వస్తారు. అందరినీ నవ్వించేలానే చిత్రం ఉంటుంది. పండుగ రోజు రిలీజ్‌ అవుతున్న ఈ చిత్రాన్ని చూసి అందరూ ఆనందిస్తారని ఆశిస్తున్నాను’ అని అన్నారు. ‘దిల్‌ రాజు ఎప్పుడూ కొత్త వాళ్లని ఎంకరేజ్‌ చేస్తూనే ఉంటారు. హన్షిత, హర్షిత్‌ నాకు ముందు నుంచీ సపోర్ట్‌ ఇస్తూనే ఉన్నారు. ప్రభాస్‌ ‘సలార్‌’ సినిమాకు రైటర్‌గా పని చేశాను. ఆయన మా మూవీ టీజర్‌ను రిలీజ్‌ చేశారు. సుహాస్‌ వల్లే ఈ సినిమా ఇంత వరకు వచ్చింది’ అని డైరెక్టర్‌ సందీప్‌ బండ్ల చెప్పారు.
హీరోయిన్‌ సంగీర్తన మాట్లాడుతూ, ‘నాకు ఈ సినిమాలో ఛాన్స్‌ ఇచ్చిన దర్శక, నిర్మాతలకు థ్యాంక్స్‌. సుహాస్‌తో నటించడం ఆనందంగా ఉంది. విజరు బుల్గానిన్‌ సంగీతం అద్భుతంగా వచ్చింది. అందరూ మా సినిమాను చూసి సక్సెస్‌ చేయండి’ అని అన్నారు.
ఈ సినిమా మీద నాకు చాలా నమ్మకం ఉంది. అందుకే ఈ మూవీతో డిస్ట్రి బ్యూటర్‌గా మారుతున్నా. ఓవర్సీస్‌లో ఈ సినిమాను డిస్ట్రిబ్యూట్‌ చేస్తున్నాను. నాకు ఇంత మంచి పాత్ర, సినిమాను ఇచ్చిన దర్శక నిర్మాతలకు థ్యాంక్స్‌. ఈ సినిమా చూస్తూ ఆద్యంతం నవ్వుతూనే ఉంటారు. నవ్వుతూనే థియేటర్‌ బయటకు వెళ్తారు.
– హీరో సుహాస్‌
