యువ కథానాయకుడు విశ్వక్‌ సేన్‌ నటిస్తున్న మాస్‌ యాక్షన్‌, కామెడీ ఎంటర్‌టైనర్‌ ‘మెకానిక్‌ రాకీ’. రవితేజ ముళ్లపూడి దర్శకత్వం వహిస్తున్న ఈ చిత్రాన్ని ఎస్‌ఆర్‌టీ ఎంటర్‌టైన్‌మెంట్స్‌పై రామ్‌ తాళ్లూరి నిర్మిస్తున్నారు. ఫస్ట్‌ లుక్‌, ఫస్ట్‌ గేర్‌, ఫస్ట్‌ సింగిల్‌ ఇలా ప్రతి ప్రమోషనల్‌ మెటీరియల్‌కు ట్రెమండస్‌ రెస్పాన్స్‌ వచ్చింది. మ్యూజికల్‌ ప్రమోషన్లలో భాగంగా మేకర్స్‌ సెకండ్‌ సింగిల్‌- ఓ పిల్లో.. సాంగ్‌ని రిలీజ్‌ చేశారు. ఇటీవలే ‘సరిపోదా శనివారం’ కోసం బ్లాక్‌బస్టర్‌ ఆల్బమ్‌ని అందించిన జేక్స్‌ బెజోరు ఈ సాంగ్‌ సిట్చ్యువేషన్‌కి పర్ఫెక్ట్‌ నెంబర్‌ అందించారు. ఈ పాట రాకీ, ప్రియగా కనిపించిన లీడ్‌ యాక్టర్స్‌ లవ్‌ స్టోరీని అద్భుతంగా ప్రజెంట్‌ చేసింది. బీటెక్‌ సమయంలో ప్రేమికురాలికి తన ప్రేమను ప్రపోజ్‌ చేసే ఛాన్స్‌ మిస్‌ చేసుకున్న హీరో మళ్లీ ఆమెతో కలిసే అవకాశం రావడంతో ఆనంద పడతాడు. కష్ణ చైతన్య రాసిన లిరిక్స్‌ హీరో లవ్‌ పై ఉన్న ఫీలింగ్స్‌ని ప్రజెంట్‌ చేస్తోంది. నకాష్‌ అజీజ్‌ ఈ పాటను అద్భుతంగా పాడారు. ఈ పాటలో విశ్వక్‌ సేన్‌, మీనాక్షి చౌదరి బ్యూటీఫుల్‌గా కనిపించారు. విజువల్స్‌ ప్లజెంట్‌గా ఉన్నాయి. శ్రద్ధా శ్రీనాథ్‌ మరో హీరోయిన్‌గా కనిపిస్తున్న ఈ చిత్రానికి మనోజ్‌ కటసాని సినిమాటోగ్రఫీ అందిస్తున్నారు. దీపావళి కానుకగా ఈ సినిమా అక్టోబర్‌ 31న ప్రేక్షకుల ముందుకు రానుంది.
