హీరో నిఖిల్‌ నటిస్తున్న తాజా చిత్రం ‘స్వయంభూ’. లెజెండరీ యోధుడిగా నటిస్తున్న నిఖిల్‌ తన పాత్ర కోసం ఆయుధాలు, మార్షల్‌ ఆర్ట్స్‌, గుర్రపు స్వారీలో ఇంటెన్స్‌ ట్రైనింగ్‌ తీసుకున్నారు. భరత్‌ కృష్ణమాచారి దర్శకత్వం వహిస్తున్న ఈ సినిమా నిఖిల్‌ నటిస్తున్న 20వ చిత్రం కావడం విశేషం. ఠాగూర్‌ మధు సమర్పణలో పిక్సెల్‌ స్టూడియోస్‌పై భువన్‌, శ్రీకర్‌ ఈ పాన్‌ ఇండియా ప్రాజెక్ట్‌ను నిర్మిస్తున్నారు. ఈ చిత్రంలో సంయుక్త ఒక కథానాయికగా నటిస్తోంది. ఆమె తన పాత్ర కోసం శిక్షణ కూడా తీసుకుంది. మేకర్స్‌ గురువారం మరొక అప్‌డేట్‌ ఇచ్చారు. చేతికి గాయమైన నభా నటేష్‌ మళ్లీ వర్క్‌లో చేరారు. ఈ మాస్టర్‌పీస్‌లో ఒక మహిళా ప్రధాన పాత్రను పోషించడానికి ఆమె ఈ టీమ్‌లోకి వచ్చారు. మేకర్స్‌ ఆమె లుక్‌ని రివీల్‌ చేశారు. నభా గాయం నుంచి కోలుకుని టీంలో చేరినట్లు వీడియోలో ప్రజెంట్‌ చేశారు. ఈ పాత్ర కోసం ఆమె ట్రాన్స్‌ఫర్మేషన్‌ అద్భుతంగా ఉంది. మేకర్స్‌ విడుదల చేసిన పోస్టర్‌లో, చీరలో నగలతో ఆమె యువరాణిలా కనిపిస్తోంది. నిఖిల్‌ కూడా వీడియోలో ఆమె లుక్‌ చూసి ఆశ్చర్యపోతున్నారు. ఈ చిత్రంలో నభా నటేష్‌ కీలకమైన, శక్తివంతమైన పాత్రను పోషిస్తోంది. అది పోస్టర్‌లో ఆమె గెటప్‌, లుక్‌లలో స్పష్టంగా కనిపిస్తుంది. ఆమె పాత్రకు పర్ఫెక్ట్‌ ఛాయిస్‌. కేజీఎఫ్‌, సలార్‌ ఫేమ్‌ రవి బస్రూర్‌ సంగీతం అందిస్తున్న ఈ చిత్రం ప్రస్తుతం చిత్రీకరణ జరుపుకుంటోంది. నిఖిల్‌, సంయుక్త, నభా నటేష్‌ నాయకానాయికలుగా నటిస్తున్న ఈచిత్రానికి రచన, దర్శకత్వం: భరత్‌ కృష్ణమాచారి, నిర్మాతలు: భువన్‌, శ్రీకర్‌, సమర్పణ: ఠాగూర్‌ మధు, సంగీతం: రవి బస్రూర్‌, డైలాగ్స్‌: వాసుదేవ్‌ మునెప్పగారి, ప్రొడక్షన్‌ డిజైనర్‌: ఎం ప్రభాహరన్‌, సహ నిర్మాతలు: విజరు కామిశెట్టి, జిటి ఆనంద్‌.
