ప్రేక్షకుల్ని థియేటర్లకు రప్పించే పవర్‌ఫుల్‌ టైటిల్‌

ప్రేక్షకుల్ని థియేటర్లకు రప్పించే పవర్‌ఫుల్‌ టైటిల్‌బాబ్జీ దర్శకత్వంలో తూలికా తనిష్క్‌ క్రియేషన్స్‌ పతాకంపై బెల్లి జనార్థన్‌ నిర్మిస్తున్న చిత్రం ‘పోలీస్‌ వారి హెచ్చరిక’. ఈ సినిమా టైటిల్‌ లోగోను డైరెక్టర్‌ తేజ మంగళవారం ఆయన కార్యాలయంలో ఆవిష్కరించారు. ఈ సందర్భంగా ఆయన మాట్లాడుతూ, ‘ఏ సినిమాకి అయినా ప్రేక్షకులను ఆకర్షించేది, వారిని థియేటర్‌ల వద్దకు నడిచేలా చేసేది టైటిల్‌  మాత్రమే. ఈ ‘పోలీస్‌ వారి హెచ్చరిక’ అనే టైటిల్‌ కూడా అలాంటి శక్తివంతమైన మాస్‌ టైటిల్‌. ఈ టైటిల్‌ దర్శక, నిర్మాతలకు కొంగు బంగారంగా మారి విజయాన్ని  చేకూరుస్తుందని ఆశిస్తున్నాను’ అని తెలిపారు. ‘విజయాలను సెంటిమెంట్‌గా మలుచుకున్న సక్సెస్‌ఫుల్‌ దర్శకుడు తేజ చేతుల మీదుగా మా సినిమా పబ్లిసిటీని ప్రారంభించడం  మాకు ఎంతో సంతోషాన్ని కలిగిస్తోంది. దీన్ని ఒక శుభసూచికంగా మేము భావిస్తున్నాం’ అని నిర్మాత బెల్లి జనార్థన్‌ అన్నారు. దర్శకుడు బాబ్జీ మాట్లాడుతూ, ‘సినిమా షూటింగ్‌ను  రెండు తెలుగు రాష్ట్రాల్లోని అద్భుతమైన లొకేషన్‌లలో పూర్తి చేశాం. ప్రస్తుతం పోస్ట్‌ ప్రొడక్షన్‌ వర్క్‌ జరుగుతోంది. ఓ వైవిధ్యమైన కథతో ప్రేక్షకులను అలరించనున్నాం’ అని చెప్పారు. సన్నీ అఖిల్‌, అజరు ఘోష్‌, రవి కాలే, గిడ్డేశ్‌, శుభలేఖ సుధాకర్‌, షియాజీ షిండే , హిమజ , జయవాహినీ , శంకరాభరణం తులసి, ఖుషి మేఘన, రుచిత, గోవింద, హనుమ,  బాబురాం తదితరులు నటిస్తున్న ఈ చిత్రానికి కెమెరా : నళినీ కాంత్‌ , సంగీతం : గజ్వేల్‌ వేణు, ఎడిటర్‌ : శర్వాణి శివ, ప్రాజెక్ట్‌ కో ఆర్డినేటర్‌ : హనుమంతరావు, ఎగ్జిక్యూటివ్‌  ప్రొడ్యూసర్‌ : ఎన్‌.పి . సుబ్బరాయుడు, రచన – దర్శకత్వం : బాబ్జీ.