విజయ్ ఆంటోని తాజాగా నటిస్తున్న మర్డర్‌ మిస్టరీ-క్రైమ్‌ థ్రిల్లర్‌ ‘గగన మార్గన్‌’. లియో జాన్‌ పాల్‌ దర్శకుడు. విజరు ఆంటోని ఫిలింస్‌ కార్పొరేషన్‌ నిర్మిస్తుండగా, మీరా విజరు ఆంటోని సమర్పిస్తున్నారు.
ఈ చిత్రంలో విజరు ఆంటోని మేనల్లుడు (సోదరి కొడుకు) అజరు ధీషన్‌ను విలన్‌గా పరిచయం చేస్తూ మేకర్స్‌ సరికొత్త పోస్టర్‌ను విడుదల చేశారు. యాక్షన్‌-ప్యాక్డ్‌ పోస్టర్‌ను చూస్తుంటే విజరు ఆంటోనీ, అజరు మధ్య భారీ యాక్షన్‌ సీక్వెన్స్‌లు ఉండేలా కనిపిస్తోంది. ఈ రెండు పాత్రలు తలపడే సీన్లు ప్రేక్షకులకు ఆడ్రినలిన్‌ రష్‌ ఇచ్చేలా ఉంటాయని చిత్ర బృందం తెలిపింది.
ఇప్పటికే ఈ సినిమా నుంచి విడుదల చేసిన విజయ్ ఆంటోని ఫస్ట్‌లుక్‌కి, టైటిల్‌కి మంచి స్పందన లభించింది. భిన్న కాన్సెప్ట్‌తో రూపొందుతున్న ఈ సినిమా కచ్చితంగా ప్రేక్షకుల్ని మెప్పిస్తుందనే నమ్మకంతో మేకర్స్‌ ఉన్నారు. అన్ని వర్గాల ప్రేక్షకులను ఆకట్టుకునే హద్యమైన కుటుంబ చిత్రంగా త్వరలో థియేటర్లలోకి తీసుకొచ్చేందుకు యూనిట్‌ సిద్ధంగా ఉంది.
సముద్రఖని, మహానటి శంకర్‌, ప్రితిక, బ్రిగిడా, వినోద్‌ సాగర్‌, దీప్శిఖ, కలక్క పోవదు యారు అర్చన, కనిమొళి మరియు అంతగారం నటరాజన్‌ తదితరులు నటిస్తున్న ఈ చిత్రానికి రచయిత, దర్శకుడు: లియో జాన్‌ పాల్‌, సంగీతం: విజరు ఆంటోని, సినిమాటోగ్రఫీ: యువ ఎస్‌ , ఆర్ట్‌ డైరెక్టర్‌: రాజా ఎ.
