హీరో గోపీచంద్‌కి పుట్టినరోజు శుభాకాంక్షలు తెలియజేస్తూ ఆయన నటిస్తున్న లేటెస్ట్‌ మూవీ ‘విశ్వం’ చిత్రానికి సంబంధించి స్పెషల్‌ పోస్టర్‌ను బుధవారం మేకర్స్‌ రిలీజ్‌ చేశారు. షేడ్స్‌, క్యాప్‌తో, ట్రెండీ అవుట్‌ ఫిట్స్‌ ధరించి స్పోర్ట్స్‌ బైక్‌ను నడుపుతున్న గోపీచంద్‌ పోస్టర్‌లో స్టైలిష్‌గా కనిపిస్తున్నారు. దర్శకుడు శ్రీను వైట్ల తన హీరోలను స్టైలిష్‌ బెస్ట్‌ అవతార్‌లలో ప్రజెంట్‌ చేయడంలో స్పెషలిస్ట్‌. మేకర్స్‌ ఫస్ట్‌ స్ట్రైక్‌ వీడియోతో ఈద్‌ సందర్భంగా మాస్‌ ఫీస్ట్‌ని అందించారు. దీనికి అద్భుతమైన స్పందన వచ్చింది. హై-వోల్టేజ్‌ యాక్షన్‌ ఎంటర్‌టైనర్‌ని పీపుల్‌ మీడియా ఫ్యాక్టరీ, వేణు దోనేపూడి చిత్రాలయం స్టూడియోస్‌పై టిజి విశ్వప్రసాద్‌ నిర్మిస్తున్నారు. దోనేపూడి చక్రపాణి సమర్పిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది.
