షారూక్‌ ఖాన్‌, డైరెక్టర్‌ రాజ్‌కుమార్‌ హిరానీ కాంబినేషన్‌లో రూపొందిన చిత్రం ‘డంకీ’. ప్రపంచ వ్య్షాప్తంగా ఈ సినిమా ఈనెల 21న గ్రాండ్‌ రిలీజ్‌ అవుతుంది. అనౌన్స్‌మెంట్‌ రోజు నుంచి అంచనాలను పెంచుతున్న ఈ మూవీ నుంచి ‘డంకీ డ్రాప్‌ 4’ అంటూ ట్రైలర్‌ను విడుదల చేశారు మేకర్స్‌. దీంతో అంచనాలు నెక్ట్స్‌ రేంజ్‌కి చేరుకున్నాయి. డైరెక్టర్‌ రాజ్‌ కుమార్‌ హిరాని అందరి హదయాలను ఆకట్టుకునేలా ఈ చిత్రాన్ని తెరకెక్కించిన తీరుని అందరూ అప్రిషియేట్‌ చేస్తున్నారు. ఈ ఎక్స్‌పెక్టేషన్స్‌ను మరింత పెంచేలా ఈ సినిమా కోసం స్పెషల్‌ సాంగ్‌ను యు.ఎ.ఇలో చిత్రీకరించారు. మూవీ ప్రమోషన్స్‌ కోసం ఈ డాన్స్‌ నెంబర్‌ను మేకర్స్‌ చిత్రీకరించారని తెలుస్తోంది. ‘షారూక్‌, హిరానీ కలిసి ఈ స్పెషల్‌ సాంగ్‌ ప్లాన్‌ చేశారు. పరిమితమైన క్రూ సాయంతో అబుదాబి సరిహద్దు ప్రాంతాల్లో పాటను చిత్రీకరించారు. యు.ఎ.ఇలో షారూక్‌కి మంచి ఫ్యాన్‌ ఫాలోయింగ్‌ ఉండటంతో భారీ సంఖ్యలో అభిమానులు అక్కడకు చేరుకున్నారు’ అని చిత్ర యూనిట్‌ తెలిపారు. ఈ చిత్రంలో బోమన్‌ ఇరాని, తాప్సీ పన్ను, విక్కీ కౌశల్‌, విక్రమ్‌ కొచ్చర్‌, అనీల్‌ గ్రోవర్‌ వంటి టాలెంటెడ్‌ ఆర్టిస్టులు ప్రేక్షకులను మెప్పించటానికి సిద్ధమవుతున్నారు. ఏ జియో స్టూడియోస్‌, రెడ్‌ చిల్లీస్‌ ఎంటర్‌టైన్మెంట్‌, రాజ్‌కుమార్‌ హిరాణి ఫిల్మ్స్‌ బ్యానర్స్‌ సమర్పణలో రాజ్‌ కుమార్‌ హిరాణి, గౌరి ఖాన్‌ ఈ చిత్రాన్ని నిర్మిస్తున్నారు. అభిజీత్‌ జోషి, రాజ్‌ కుమార్‌ హిరాణి, కణిక థిల్లాన్‌ ఈ చిత్రానికి రచయితలు. ఈ చిత్రం క్రిస్మస్‌ సందర్భంగా ప్రపంచ వ్యాప్తంగా భారీ ఎత్తున ఈనెల 21న రిలీజ్‌ అవుతుంది.
