నవతెలంగాణ – హైదరాబాద్: అమెరికాలోని మాంట్‌గోమెరి విలేజ్‌ మిడిల్‌ స్కూల్‌లో గతంలో మెలిసా మేరి కర్టిస్‌ టీచర్‌గా పనిచేసింది. ప్రస్తుతం ఆమె అక్కడ పనిచేయట్లేదు. అయితే, దాదాపు ఎనిమిదేళ్ల క్రితం అంటే 2015లో అదే పాఠశాలలో చదువుతున్న 14 ఏళ్ల విద్యార్థితో బలవంతంగా లైంగిక దాడి చేసింది. విద్యార్థికి మద్యం, గంజాయి తాగించి మత్తులోకి దించి ఈ అఘాయిత్యానికి పాల్పడేది. అప్పుడు ఆమె వయసు 22 ఏళ్లు. కాగా, తాను విద్యార్థిగా ఉన్న సమయంలో టీచర్‌ తనతో శృంగారంలో పాల్గొందని గత నెలలో బాధిత విద్యార్థి ఆరోపించాడు. దీంతో ఈ విషయం కాస్తా స్థానికంగా తీవ్ర చర్చనీయాంశమైంది. ఘటనపై స్పందించిన మాంట్‌గోమెరి పోలీసులు వెంటనే విచారణ చేపట్టగా అసలు విషయం బయటపడింది. సదరు టీచర్‌ సుమారు 20 సార్లకు పైగా ఆ విద్యార్థిపై శృంగారంలో పాల్గొన్నట్లు తమ విచారణలో తేలినట్లు పోలీసులు వెల్లడించారు. అక్టోబర్‌ 31వ తేదీన ఆమెకు అరెస్ట్‌ వారెంట్‌ జారీ చేసి అదుపులోకి తీసుకున్నట్లు చెప్పారు. ఆమెపై పలు సెక్షన్ల కింద కేసులు బుక్‌ చేసినట్లు వెల్లడించారు.
