హీరో శ్రీ విష్ణు ప్రతి సినిమాలోనూ కావాల్సినంత ఎంటర్‌టైన్‌మెంట్‌ ఉండేలా చూసుకుంటూ డిఫరెంట్‌ స్క్రిప్ట్‌లను ఎంచుకుంటున్నారు. హసిత్‌ గోలీ దర్శకత్వంలో చేస్తున్న తన అప్‌ కమింగ్‌ యూనిక్‌ అవుట్‌ అండ్‌ అవుట్‌ ఎంటర్‌టైనర్‌ ‘శ్వాగ్‌’లో హిలేరియస్‌ రోల్‌లో కనిపించనున్నారు. శ్రీ విష్ణు, హసిత్‌ గోలీల నుండి రాబోత్ను మరొక యూనిక్‌ అటెంప్ట్‌. పీపుల్స్‌ మీడియా ఫ్యాక్టరీపై టీజీ విశ్వప్రసాద్‌ ఈ చిత్రాన్ని నిర్మిస్తున్నారు.సినిమాలోని అన్ని ప్రధాన పాత్రలను పరిచయం చేసిన తర్వాత మేకర్స్‌ రేజర్‌ టీజర్‌ని రిలీజ్‌ చేశారు. శ్రీవిష్ణు మగవారి గురించి స్ట్రాంగ్‌ స్టేట్‌మెంట్‌ ఇవ్వడంతో వీడియో ప్రారంభమవుతుంది. శ్రీవిష్ణు భవభూతి అనే మగ చావినిస్ట్‌ క్యారెక్టర్‌ పోషించారు. ఆయన లుక్స్‌, టెర్రిఫిక్‌ మేక్‌ఓవర్‌ ఆడియన్స్‌ని సర్‌ప్రైజ్‌ చేసింది. శ్రీవిష్ణు అద్భుతమైన చరిష్మాతో అందరి దృష్టిని తనవైపు తిప్పుకున్నాడు. ఆయన క్యారెక్టర్‌ ప్రేక్షకులను రెండుగా డివైడ్‌ చేస్తుంది. ఆయన్ని ప్రేమించినా, ద్వేషించినా, మీరు భవభూతిని ఎక్కువ కాలం గుర్తుంచుకుంటారు. టీజర్‌ హైలీ ఎంటర్టై నింగ్‌గా ఉంది. హసిత్‌ గోలీ రైటింగ్‌, డైరెక్షన్‌ అద్భుతంగా ఆకట్టుకుంటోంది అని చిత్ర బృందం తెలిపింది. వింజమర వంశంలో క్వీన్‌ రుక్మిణి దేవిగా రీతూ వర్మ నటిస్తోంది. త్వరలోనే ఈ సినిమా టీజర్‌ను విడుదల చేయనున్నారు. శ్రీవిష్ణు, రీతూ వర్మ, మీరా జాస్మిన్‌, దక్ష నాగర్కర్‌, శరణ్య ప్రదీప్‌, సునీల్‌, రవిబాబు, గెటప్‌ శ్రీను, గోప రాజు రమణ తదితరులు నటిస్తున్నారు.
