జీవీ ప్రకాష్‌ కుమార్‌, ఐశ్వర్య రాజేష్‌ నటించిన ఫ్యామిలీ కామెడీ డ్రామా ‘డియర్‌’. తమిళంలో ఈనెల 11న, తెలుగులో ఈనెల 12న విడుదలకు సిద్ధమవుతోంది. ఈ చిత్రానికి ఆనంద్‌ రవిచంద్రన్‌ దర్శకత్వం వహించారు. నట్మెగ్‌ ప్రొడక్షన్స్‌ ప్రైవేట్‌ లిమిటెడ్‌ పతాకంపై వరుణ్‌ త్రిపురనేని, అభిషేక్‌ రామిశెట్టి, జి పథ్వీరాజ్‌ నిర్మించారు. నాగ చైతన్య వాయిస్‌ ఓవర్‌ అందించిన ఈ సినిమా థియేట్రికల్‌ ట్రైలర్‌ను మేకర్స్‌ రిలీజ్‌ చేశారు. నూతన వధూవరుల పాత్రల్లో జివి ప్రకాష్‌ కుమార్‌ , ఐశ్వర్య రాజేష్‌ లైఫ్‌లో స్నీక్‌ పీక్‌ ఇస్తుంది. భార్యకి ఉన్న గురక అలవాటు కారణంగా రిలేషన్‌ షిప్‌ కాంప్లికేటెడ్‌గా మారిన కథాంశం యూనిక్‌గా ఉంది. నాగ చైతన్య వాయిస్‌ ఓవర్‌ ప్రధాన ఆకర్షణలలో ఒకటి. జగదీష్‌ సుందరమూర్తి కెమెరా బ్రిలియంట్‌గా ఉంది. జివి ప్రకాష్‌ కుమార్‌ బ్యాక్‌ గ్రౌండ్‌ స్కోర్‌ కామిక్‌ కోణాన్ని ఎలివేట్‌ చేసింది. నిర్మాణ విలువలు ఉన్నతంగా ఉన్నాయి. అన్నపూర్ణ స్టూడియోస్‌ ఈ చిత్రాన్ని ఆంధ్రా ప్రాంతంలో విడుదల చేయనుండగా, ఏషియన్‌ సినిమాస్‌ తెలంగాణ ప్రాంతంలో విడుదల చేయనుంది. కాళి వెంకట్‌, ఇళవరసు, రోహిణి, తలైవాసల్‌ విజరు, గీతా కైలాసం, నందిని కీలక పాత్రలలో నటించారు.
