అనిల్‌ అర్కా, విహారికా చౌదరి హీరో, హీరోయిన్లుగా శ్రీ కష్ణ దర్శకత్వంలో తెరకెక్కిన మూవీ ‘వారధి’. రాధాకష్ణ ఆర్ట్స్‌ బ్యానర్‌ పై పెయ్యాల భారతి, ఎం.డి.యూనస్‌ నిర్మిస్తున్నారు. తాజాగా ఈ మూవీ సెన్సార్‌ కార్యక్రమాలు పూర్తి చేసుకుంది. సెన్సర్‌ సభ్యులు ఈ సినిమాకు యు/ఎ సర్టిఫికెట్‌ జారీ చేసి, చిత్ర యూనిట్‌ను అభినందించారు. ఈ సందర్భంగా దర్శకుడు శ్రీ కష్ణ మాట్లాడుతూ, ‘ఇదొక యూత్‌ఫుల్‌ లవ్‌స్టోరీ. ఈ కథలో లవ్‌, రొమాన్స్‌, థ్రిల్లర్‌ ఉండటంతో అందరిని ఆకట్టుకుంటుంది. ప్రేక్షకులందరికీ నచ్చే కథను అందిస్తున్నామనే నమ్మకం ఉంది. సాంకేతిక నిపుణుల కషి, కథా కథనాల ప్రత్యేకత, నటీనటుల అభినయం చిత్రానికి ప్రధాన బలంగా నిలుస్తాయి. సరికొత్త కథనంతో కొత్త అనుభూతిని అందించే ప్రయత్నం చేశాం. ఈ సినిమా ఈ తరానికి స్పెషల్‌ ట్రీట్‌గా నిలవడం ఖాయం. ఈ చిత్రాన్ని త్వరలోనే విడుదల చేస్తాం’ అని తెలిపారు.
ఈ చిత్రానికి సమర్పణ: వెబ్జీయార్‌ ఎంటర్‌టైన్‌మెంట్‌ ప్రైవేట్‌ లిమిటెడ్‌, కథ – దర్శకత్వం: శ్రీ కష్ణ, నిర్మాతలు: పెయ్యాల భారతి, ఎం.డి.యూనస్‌, రచయిత: నాగేంద్ర పలగాని, సినిమాటోగ్రఫీ: శక్తి .జె కె, సంగీత దర్శకుడు: షారుఖ్‌ షేక్‌, ఎగ్జిక్యూటివ్‌ ప్రొడ్యూసర్‌: బి.ఎన్‌. చందు.
