నవతెలంగాణ – రాజంపేట్ ( భిక్కనూర్ )రాజంపేట్ మండలంలోని తలమడ్ల గ్రామంలో ఉన్న జిల్లా పరిషత్ ఉన్నత పాఠశాలలో 8, 9, 10 తరగతి విద్యార్థులకు కౌమార దశ శిక్షణ కార్యక్రమాన్ని వర్డ్ స్వచ్చంద సంస్థ సిబ్బంది ఎం సి రాణి, సీసీ శ్రీవిద్య, వంశీ, యాదగిరి నిర్వహించారు. ఈ సందర్భంగా విద్యార్థులు పెరుగుతున్న సమయంలో వచ్చే మార్పుల గురించి, రక్తహీనత, చిన్నారుల రక్షణ చట్టాల గురించి అవగాహన కార్యక్రమాన్ని నిర్వహించారు. అనంతరం విద్యార్థులకు క్విజ్ పోటీలు నిర్వహించి బహుమతులు అందజేశారు. ఈ కార్యక్రమంలో పాఠశాల ప్రధానోపాధ్యాయులు బిక్షపతి, భరత్, ఉపాధ్యాయులు, విద్యార్థులు ఉన్నారు.
