హీరో నితిన్‌ నటిస్తున్న యూనిక్‌ యాక్షన్‌, హీస్ట్‌ కామెడీ ఎంటర్‌ టైనర్‌ ‘రాబిన్‌హుడ్‌’. శ్రీలీల హీరోయిన్‌గా నటిస్తున్న ఈ చిత్రానికి వెంకీ కుడుముల దర్శకుడు. ఈ సినిమా షూటింగ్‌ శరవేగంగా జరుపుకుంటోంది. ఈ చిత్రంలో రాజేంద్ర ప్రసాద్‌ కీలక పాత్ర పోషిస్తున్నారు. శుక్రవారం రాజేంద్ర ప్రసాద్‌ బర్త్‌ డే సందర్భంగా ఆయనకు బర్త్‌ డే విషెస్‌ అందిస్తూ ‘రాబిన్‌హుడ్‌’లో ఆయన ఫస్ట్‌ లుక్‌ని రిలీజ్‌ చేశారు మేకర్స్‌. ఏజెంట్‌ జాన్‌ స్నో అకా జనార్ధన్‌ సున్నిపెంటగా ఆయన క్యారెక్టర్‌ని పరిచయం చేశారు. ఏజెంట్‌ గెటప్‌లో ఆయన కనిపించడం చాలా ఆసక్తికరంగా ఉంది. ఇందులో ఆయన క్యారెక్టర్‌ చాలా క్రూసియల్‌ అండ్‌ ఎంటర్‌టైనింగ్‌గా ఉండనుందని ఈ పోస్టర్‌ చెప్పకనే చెప్పింది. మైత్రీ మూవీ మేకర్స్‌ ఈ చిత్రాన్ని అత్యున్నత స్థాయి ప్రొడక్షన్‌, టెక్నికల్‌ వ్యాల్యూస్‌తో భారీ బడ్జెట్‌తో నిర్మిస్తోంది. నవీన్‌ యెర్నేని, వై రవిశంకర్‌ ఈ చిత్రానికి నిర్మాతలు. క్రిస్మస్‌ సందర్భంగా ఈ సినిమా డిసెంబర్‌ 20న విడుదల కానుంది. ఈ చిత్రానికి రచన, దర్శకత్వం: వెంకీ కుడుముల, నిర్మాతలు: నవీన్‌ యెర్నేని, వై.రవిశంకర్‌, సిఈవో: చెర్రీ, సంగీతం: జీవీ ప్రకాష్‌ కుమార్‌, డీవోపీ: సాయి శ్రీరామ్‌, ఆర్ట్‌ డైరెక్టర్‌: రామ్‌ కుమార్‌, ఎగ్జిక్యూటివ్‌ ప్రొడ్యూసర్‌: హరి తుమ్మల, లైన్‌ ప్రొడ్యూసర్‌: కిరణ్‌ బళ్లపల్లి.
