– మహిళా విశ్వవిద్యాలయం వద్ద విద్యార్థినుల ఆందోళన
నవతెలంగాణ -సుల్తాన్‌ బజార్‌
కోఠిలోని వీరనారి చాకలి ఐలమ్మ మహిళా విశ్వవిద్యాలయాన్ని యూజీసీలో చేర్చాలని డిమాండ్‌ చేస్తూ విద్యార్థినులు శనివారం కళాశాల మెయిన్‌ గేటు వద్ద పెద్దఎత్తున ఆందోళన చేశారు. ఈ సందర్భంగా వారు మాట్లాడుతూ.. ఉస్మానియా యూనివర్సిటీ అనుబంధంగా ఉన్న కోఠి మహిళా కళాశాలను తెలంగాణ వచ్చిన తర్వాత తెలంగాణ మహిళా యూనివర్సిటీగా, కాంగ్రెస్‌ ప్రభుత్వం ఏర్పడిన తర్వాత వీరనారి చాకలి ఐలమ్మ విశ్వవిద్యాలయంగా పేరు మార్చారని తెలిపారు. అయితే, తమకు తెలంగాణ మహిళా యూనివర్సిటీగా ఐడీ కార్డు ఇస్తున్నారని, ఇక సర్టిఫికెట్లలో ఎలా ఇస్తారో తెలియక గందరగోళంగా ఉందన్నారు. ఇంతవరకు యూజీసీలో చేర్చలేదని, తమ డిగ్రీ పూర్తి అవుతున్న నేపథ్యంలో తమకు ఏ ప్రాతిపదికన సర్టిఫికెట్‌ ఇస్తారని ప్రశ్నించారు. తమ భవిష్యత్‌ అయోమయంగా మారిందని ఆవేదన వ్యక్తం చేశారు. ముఖ్యమంత్రి రేవంత్ రెడ్డి తక్షణమే జోక్యం చేసుకొని యూజీసీలో చేర్చాలని డిమాండ్‌ చేశారు. ఆందోళన విషయం తెలుసుకున్న వీసీ సూర్య ధనుంజరు అక్కడికి చేరుకొని విద్యార్థినులను సముదాయించారు. ఈ విషయాన్ని ప్రభుత్వం దృష్టికి తీసుకెళ్లి పరిష్కారానికి చర్యలు తీసుకుంటామని హామీ ఇవ్వడంతో ఆందోళన విరమించారు.
Related posts:
వదంతులతో భయాందోళనలు సృష్టిస్తే ఊరుకోం: రేవంత్ రెడ్డి
మహాత్మా జ్యోతిరావుపూలేకు నివాళులు అర్పించిన సీఎం రేవంత్
కేఏ పాల్ పిటిషన్ ను కొట్టివేసిన తెలంగాణ హైకోర్టు
వేనక్కి తగ్గిన రేవంత్ రెడ్డి ప్రభుత్వం.. లగచర్ల భూ సేకరణ రద్దు
నేటి వామపక్ష విద్యార్థి సంఘాల బడుల బంద్‌కు డీవైఎఫ్‌ఐ మద్దతు
తెలంగాణ వ్యతిరేకులతో కేటీఆర్‌ సంబురాలా?