విష్ణు మంచు నిర్మిస్తున్న ‘భక్త కన్నప్ప’ చిత్ర బృందంలోకి బాలీవుడ్‌ హీరో అక్షరు కుమార్‌ జాయిన్‌ అయ్యారు. అవా ఎంటర్‌టైన్‌మెంట్‌, 24 ఫ్రేమ్స్‌ ఫ్యాక్టరీ బ్యానర్‌లపై మోహన్‌ బాబు ఈ చిత్రాన్ని నిర్మిస్తుండగా, మహాభారత్‌ సిరీస్‌ ఫేమ్‌ ముఖేష్‌ కుమార్‌ సింగ్‌ దర్శకత్వం వహిస్తున్నారు. మంచు విష్ణు ఈ సినిమాను అత్యంత ప్రతిష్టాత్మకంగా నిర్మిస్తున్నారు. హై టెక్నికల్‌ స్టాండర్డ్స్‌తో ఈ సినిమా రాబోతోంది. ఇప్పటికే న్యూజిలాండ్‌లోని అందమైన ప్రదేశాల్లో రెండు భారీ షెడ్యూల్స్‌ను కంప్లీట్‌ చేశారు. ప్రస్తుతం ఈ మూవీ షూటింగ్‌ రామోజీ ఫిల్మ్‌ సిటీలో జరుగుతోంది. ఇప్పటికే ఈ చిత్రంలో మోహన్‌ లాల్‌, ప్రభాస్‌, శరత్‌ కుమార్‌, బ్రహ్మానందం తదితరులు ముఖ్య పాత్రలను పోషిస్తున్నారు. ఇక తాజాగా ఈ మూవీ సినిమా సెట్‌లోకి బాలీవుడ్‌ సూపర్‌ స్టార్‌ అక్షరు కుమార్‌ జాయిన్‌ అయ్యారు. అక్షరు కుమార్‌కు మోహన్‌ బాబు, విష్ణు మంచు గ్రాండ్‌గా స్వాగతాన్ని పలికారు. ప్రస్తుతం అక్షరు కుమార్‌ మీద సీన్లను చిత్రీకరించనున్నారు. పాన్‌ ఇండియా స్థాయిలో రూపొందుతున్న ఈ చిత్రం అన్ని భారతీయ భాషల్లోనూ విడుదల కానుంది.
