అదొక పెద్ద గార్డెన్‌. ఎంత అందంగా ఉందో అంత గందరగోళంగానూ ఉంది. ఒకరు పెద్దగా మాట్లాడుతుంటే కొంత మంది ఆసక్తిగా వింటున్నారు. మరొకరు డాన్స్‌ చేస్తుంటే, కొంతమంది చప్పట్లు కొడుతున్నారు. ఇంకొకరు జోక్‌ చెపుతుంటే మరికొందరు పగలపడి నవ్వుతున్నారు. వారి వైపు నా అడుగులు పడుతుంటే… ఎన్నో జ్ఞాపకాలు. మరెన్నో అనుభూతులు…
ఉల్లాసానికి పునాది స్మృతులే. నన్ను చూడగానే కొందరు నవ్వుల వెన్నెలతో, మెరిసే కళ్ళతో… మరికొందరు దిగులు మబ్బు కమ్ముకున్న నిరాశతో.. ఆలోచనలు పెనుగాలులై అస్తవ్యస్తంగా ఉండగా అందరూ నన్ను చుట్టు ముట్టేశారు. వారే నా చిన్న నాటి స్నేహితులు…
స్నేహితులే… స్నేహహస్తం
జీవితం విజయవంతం కావడానికి బలమైన స్నేహం ఉండాలి. మంచి స్నేహితులు ఉండటం వలన శారీరక, మానసిక ఆరోగ్యంతో సహా వ్యక్తిగత అభివృద్ధిపై గణనీయమైన ప్రభావం ఉంటుంది. సపోర్టివ్‌ సోషల్‌ నెట్‌వర్క్‌లు ఉన్నవారు ఎక్కువ కాలం జీవిస్తారు. స్నేహం ఒత్తిడి బస్టర్‌. చుట్టూ స్నేహితులు ఉన్నప్పుడు, చింతలను మరచిపోయి ఆ క్షణాన్ని ఆనందంగా ఆస్వాదిస్తారు. కొందరు సూటి పోటి మాటలతో ఇబ్బంది పెడతారు. ఇలాంటి వారితో జాగ్రత్తగా ఉండాలి.
మానసిక ఆరోగ్యం:
సామాజిక నెట్‌వర్క్‌ కలిగి ఉన్నవారు మానసిక ఆరోగ్యపరంగా మెరుగ్గా ఉంటారు. కష్టాలను ఎదుర్కొనే విషయంలో మరింత దృఢంగా ఉంటారు. అది ఆత్మీయ ఆలింగనమైనా సరే, రుణమిచ్చి ఆదుకునే చెయ్యి అయినా సరే… ఒక స్నేహ హస్తం వుందని తెలిస్తే మంచిది. సానుకూల సంబంధాలు ఒత్తిడి హార్మోన్‌ కార్టిసాల్‌ స్థాయిని తగ్గించడంలో సహాయపడతాయి. ఇది సహజ ఒత్తిడి నివారిణిగా పనిచేస్తుంది.
స్నేహితులు రోగనిరోధక వ్యవస్థకు బూస్టర్‌ :
సానుకూల స్నేహితులు ఉండటం వల్ల రోగనిరోధక శక్తిని పెరుగుతుంది. ఆనందం, కృతజ్ఞతా భావాలు మంచి ఆరోగ్యాన్ని ప్రోత్సహిస్తాయి.
కలిసి వ్యాయామం: స్నేహితులతో కలిసి వ్యాయామం చేయడం వల్ల సోమరితనం, అలసట ఉండదు. సానుకూల సంబంధాలు ఆరోగ్యకరమైన అలవాట్లను కొనసాగించడానికి అవసరమైన ప్రేరణ, మద్దతును అందిస్తాయి. ఇది గుండె జబ్బులు, మధుమేహం వంటి వ్యాధులను తగ్గిస్తుంది.
లక్ష్యాలను సాధించడానికి:
లక్ష్యాలను నెరవేర్చుకోవడానికి అవసరమైన పుష్‌ను ఇస్తాయి. ఒక సామాజిక సమూహంలో భాగమైతే అధిక ఆత్మగౌరవంతో ఉండగలం. సానుకూల సంబంధాలను పెంపొందించుకుంటే తాజా అవకాశాలను కూడా అందిస్తాయి.
విభిన్న ఆలోచనలు: కొత్త దృక్కోణాలు, ఆలోచనల పరిచయం ద్వారా స్నేహితులు విభిన్నంగా ఆలోచించేలా, పరిధులను విస్తృతం చేయగలరు. తద్వారా సామర్థ్యాన్ని విస్తృతం చేయవచ్చు. ప్రపంచం గురించి, తెలియని విషయాలను తెలుసుకోవచ్చు. కొత్త నెట్‌వర్కింగ్‌ అవకాశాలకు కూడా దారి తీయవచ్చు. అంతేకాకుండా, కార్యాలయ స్నేహాలు ఉద్యోగ సంతృప్తిని పెంచుతాయి. పనిని మరింత ఆహ్లాదకరంగా చేస్తాయి. ఉత్పాదకతను పెంచుతాయి. మీ బలాలు, నైపుణ్యాలను మిళితం చేస్తే, మరింత మెరుగైన పనులు చేయవచ్చు.
కొత్త స్నేహితులు: స్పోర్ట్స్‌ టీమ్‌, రీడింగ్‌ క్లబ్‌ వంటి ఆసక్తికరంగా వుండే గ్రూప్‌లు, క్లబ్‌లలో చేరితే… మీ ఆసక్తులను పంచుకునే వ్యక్తులను తారసపడతారు. సంబంధిత సామాజిక సమావేశాలకు వెళ్లి చిన్నగా మాట్లాడడం మొదలుపెడితే సాంకేతికతను ఉపయోగించుకోవచ్చు. సోషల్‌ మీడియా డేటింగ్‌ యాప్‌ల వంటి సారూప్య ఆసక్తులు ఉన్న వ్యక్తులను కూడా కలవవచ్చు. స్నేహితులతో సన్నిహితంగా ఉండండి. వారితో చెక్‌ఇన్‌ చేయండి. అందుకు కావలసిందల్లా వారి కోసం కొంత సమయం కేటాయించడమే.
మన సంతోషకరమైన, విచారకరమైన క్షణాలలో వారు మనకు అండగా నిలుస్తారు. స్నేహితులు విజయాల సమయంలో ఉత్సాపరుస్తారు. కష్ట సమయాల్లో భుజం తట్టి మేమున్నామన్న భరోసా ఇస్తారు. వారి విజయాలను కూడా పంచుకుంటారు. అయితే స్నేహాన్ని కొనసాగించడం ఎల్లప్పుడూ సులభం కాదు. ఇది ఆరోగ్యంపై గణనీయమైన ప్రభావాన్ని చూపుతుంది.
స్నేహం సామాజిక అంచనాలు, కులం, మతం, రంగు, వయస్సు, మతం, జాతి ఆధారంగా కాకుండా అత్యంత నిజమైన సంబంధ రూపాలలో ఒకటి. స్నేహం కూడా ఓదార్పునిస్తుంది, ఆనందదాయకంగా ఉంటుంది, కాబట్టి ఇది పెట్టుబడికి విలువైనది.
ప్రతి ఒక్కరూ స్నేహితులను కలుస్తూ, మాట్లాడుతూ ఉంటే వృద్ధాప్య ఛాయలు అసలు కనిపించవట!
డా|| హిప్నో పద్మా కమలాకర్‌
9390044031
కౌన్సెలింగ్‌, సైకో థెరపీస్ట్‌, హిప్నో థెరపిస్ట్‌
