సంపూర్ణేష్‌ బాబు, సంజోష్‌ ముఖ్యపాత్రల్లో ‘సోదరా’ మూవీని నిర్మిస్తున్నారు. అన్నదమ్ముల బంధం ఎంత గొప్పదో మనందరికీ తెలుసు. అలాంటి అన్నదమ్ముల బంధాన్ని వెండితెరపై మనకు ఆవిష్కరించబోతున్న చిత్రమే ఇది.
తెలుగు చిత్రసీమలో ఎందరో సోదరులు ఉన్నారు. అలాంటి సోదరులందరి బంధాన్ని అద్దం పట్టేలా చూపించడానికి ఈ సినిమా వస్తుందని అంటున్నారు మేకర్స్‌. ఇటీవలే విడుదలైన మోషన్‌ పోస్టర్‌కి మంచి స్పందన లభించగా, తాజాగా సోమవారం మూవీ ఫస్ట్‌ లుక్‌ని రిలీజ్‌ చేశారు. సంపూర్ణేష్‌ బాబు, సంజోష్‌ ఇద్దరు పెళ్లి కొడుకు గెటప్స్‌లో ఒకరు తాళి, ఒకరు రోజా పువ్వు పట్టుకొని ఉండగా వెనక మేళతాళాలతో ఉన్న పోస్టర్‌ని రిలీజ్‌ చేశారు. పోస్టర్‌ ని చూస్తుంటే ఈ సినిమా ఆద్యంతం హాస్య భరితంగా ఉండేలా దర్శకుడు మన్మోహన్‌ మేనంపల్లి ఈ చిత్రాన్ని తెరకెక్కించినట్టు తెలుస్తోంది. త్వరలోనే ఈ సినిమా నుంచి ఫస్ట్‌ సింగిల్‌ను విడుదల చేయబోతున్నారు. అలాగే సినిమాను కూడా ప్రేక్షకుల ముందుకు అతి త్వరలోనే తీసుకురావడానికి సన్నాహాలు చేస్తున్నారు.
