వెంకటేష్‌, అనిల్‌ రావిపూడి, శ్రీ వెంకటేశ్వర క్రియేషన్స్‌ కాంబినేషన్‌లో వస్తున్న చిత్రం ‘సంక్రాంతికి వస్తున్నాం’. దిల్‌ రాజు సమర్పణలో శిరీష్‌ నిర్మిస్తున్నారు. మీనాక్షి చౌదరి, ఐశ్వర్య రాజేష్‌ హీరోయిన్స్‌గా నటిస్తున్నారు. భీమ్స్‌ సిసిరోలియో సంగీతం సమకూరుస్తున్నారు. ఇప్పటికే ఈ చిత్రం నుంచి విడుదలైన ‘గోదారి గట్టు..’ సాంగ్‌ 27 మిలియన్‌ వ్యూస్‌ క్రాస్‌ చేసి చార్ట్‌ బస్టర్‌ హిట్‌ అయ్యింది. రమణ గోగుల పాడిన ఈ పాట సోషల్‌ మీడియాతో పాటు అన్నీ మ్యూజిక్‌ చార్ట్స్‌లో టాప్‌ ట్రెండింగ్‌లో కొనసాగుతూ వైరల్‌గా మారింది. జనవరి 14న ఈ సినిమా ప్రేక్షకుల ముందుకు వస్తోంది. ఈ సందర్భంగా సంగీత దర్శకుడు, సింగర్‌ రమణ గోగుల మీడియాతో పలు విశేషాలను షేర్‌ చేసుకున్నారు.
‘గోదారి గట్టు..’ సాంగ్‌ ఆల్రెడీ 27 మిలియన్‌ వ్యూస్‌ దాటేసింది. ఈ రెస్పాన్స్‌ చాలా గ్రేట్‌ ఫుల్‌గా ఉంది. నా పాటని అభిమానించే ఎంతోమంది అభిమానులు ఉన్నారు. మళ్లీ నేనెప్పుడు పాడతానా అని ఎదురు చూశారు. నేను నా వ్యక్తిగత జీవితంలో బిజీ అయిపోయాను. యూఎస్‌లో ఉన్నాను. నేను ఎవరి సంగీతంలో ఇప్పటివరకు పాడలేదు. కానీ అనిల్‌, భీమ్స్‌ చాలా లవింగ్‌ పర్సన్స్‌. ఫెంటాస్టిక్‌ యాటిట్యూడ్‌తో ఉంటారు. వెంకటేష్‌ నాకు చాలా మంచి ఫ్రెండ్‌. నా తొలి సినిమా వెంకటేష్‌ ‘ప్రేమంటే ఇదేరా.’ ఇలాంటి మంచి కాంబినేషన్‌లో వస్తున్న ఈ పాటని పాడాలని అనుకున్నాను. భీమ్స్‌ లవ్లీగా కంపోజ్‌ చేశారు. పాటకి ఇంత అద్భుతమైన రెస్పాన్స్‌ రావడం చాలా ఆనందం ఇచ్చింది. లైఫ్‌ ఫుల్‌ సర్కిల్‌ అయిందనే ఫీలింగ్‌ వచ్చింది
పాటలో ఒక హార్ట్‌ ఉంది. డెఫినెట్‌గా పాడాలి అనిపించింది. అలా ఈ పాట పాడాను. ఈ పాట పాడటానికి చాలా క్రియేటివ్‌ ఫ్రీడమ్‌ దొరికింది. మధుప్రియ కూడా చాలా అద్భుతంగా పాడింది. నా వాయిస్‌కి తన వాయిస్‌కి పర్ఫెక్ట్‌గా బ్యాలెన్స్‌ అయింది. భాస్కర భట్ల చక్కగా రాశారు. ఓ వ్యక్తి ఫోన్‌ చేసి మా ఊర్లో పొద్దున లేస్తే ఇదే పాట వేస్తున్నారు, అందరూ డాన్స్‌ చేస్తున్నారని చెప్పారు. వాయిస్‌లో అదే మ్యాజిక్‌ ఉందని అందరూ చెప్పడం చాలా హ్యాపీనెస్‌నిచ్చింది.
వెంకటేష్‌ కాల్‌ చేశారు. నేను మళ్లీ పాట పాడడం చాలా ఆనందంగా ఉందని చెప్పారు. ఆయనకి పాట చాలా నచ్చింది. ఆయనలో అప్పటికి, ఇప్పటికీ ఎలాంటి మార్పు లేదు. అదే మ్యాజిక్‌ ఉంది. ఆయన రాక్‌ స్టార్‌. పాట విని ఇండిస్టీ నుంచి కూడా చాలా కాల్స్‌ వచ్చాయి. అందరూ అభినందించారు.
మళ్లీ నేను కంపోజ్‌ చేయటానికి సిద్ధంగా ఉన్నాను. ఇప్పుడున్న మ్యూజిక్‌ డైరెక్టర్స్‌ అందరూ చాలా అద్భుతంగా సంగీతం చేస్తు న్నారు. పాటలు ఫెంటాస్టిక్‌గా ఉన్నాయి. అయినా ఒక న్యూ కైండ్‌ ఆఫ్‌ మ్యూజిక్‌కి ఎక్కడో చిన్న గ్యాప్‌ ఉంది. ఆ గ్యాప్‌ని ఫిల్‌ చేయడానికి నేను రెడీగా ఉన్నాను. నా దగ్గర కొన్ని వినూత్నమైన ఐడియాలు ఉన్నాయి.
– రమణ గోగుల
