జ్యోతిక ప్రధాన పాత్రలో ఎస్వై గౌతమ్ రాజ్ దర్శకత్వంలో డ్రీమ్ వారియర్ పిక్చర్స్ బ్యానర్ పై ఎస్ఆర్ ప్రకాష్, ఎస్ఆర్ ప్రభు నిర్మించిన తమిళ చిత్రం ‘రాక్షసి’. ఐదేళ్ల క్రితం తమిళనాట విడుదలైన ఈ చిత్రం మంచి విజయాన్ని అందుకుంది. తాజాగా ఈ చిత్రాన్ని తెలుగులో ‘అమ్మ ఒడి’ టైటిల్తో విడుదల చేస్తున్నారు. వడ్డి రామానుజం, వల్లెం శేషారెడ్డి ఈ సినిమాను ఏపీ, తెలంగాణలో గ్రాండ్గా రిలీజ్ చేస్తున్నారు. ఈ సందర్భంగా సోమవారం తెలుగు ట్రైలర్ను విడుదల చేశారు. ఇందులో ప్రభుత్వ పాఠశాలల రూపురేఖలను మార్చే టీచర్గా జ్యోతిగా కనిపిస్తున్నారు. విద్యా వ్యవస్థను భ్రష్టు పట్టించే వారికి ఆమె ఒక రాక్షసి అంటూ జ్యోతిక పాత్రను పరిచయం చేయడం సినిమాపై ఆసక్తిని పెంచుతుంది. నాగినీడు, హరీష్ పేరడీ, పూర్ణిమ, భాగ్యరాజ్ ముఖ్యపాత్రలు పోషించారు. ఈ సందర్భంగా వడ్డి రామానుజమ్, వల్లెం శేషారెడ్డి మాట్లాడుతూ, ‘తెలుగు ట్రైలర్కు మంచి స్పందన వస్తుంది. తమిళంలో విజయం సాధించిన ఈ చిత్రం తెలుగులోనూ సక్సెస్ సాధిస్తుందని నమ్మకం ఉంది. విద్యా వ్యవస్థలోని లోటుపాట్లను చూపించేలా ఈ చిత్రాన్ని దర్శకుడు గౌతమ్ రాజ్ అద్భుతంగా రూపొందించారు. డబ్బింగ్, సెన్సార్ పూర్తి చేసి త్వరలోనే రిలీజ్ డేట్ను ప్రకటిస్తాం’ అని చెప్పారు. ఈ చిత్రానికి మాటలు, పాటలు : భారతి బాబు పి, దర్శకులు : ఎస్ వై గౌతమ్ రాజ్.