అందే పాఠశాల ఉపాధ్యాయుడు రాములు సంతాప సభ

అనారోగ్యంతో చికిత్స పొందుతూ మృతి చెందిన యాసరేని రాములు సంతాప సభ మిరుదొడ్డి మండలం అందే ప్రాథమిక పాఠశాలలో మంగళవారం జరిగింది. పాఠశాలలో పనిచేస్తున్న రాములు అకాల మృతి చెందడంతో పాఠశాల ప్రధానోపాధ్యాయుడు రవీందర్ రెడ్డి అధ్యక్షతన సంతపసభ నిర్వహించారు. ఈ సందర్భంగా ఎంఈఓ ప్రభుదాస్, మండల నోడల్ అధికారి ప్రవీణ్ బాబు ,స్కూల్ కాంప్లెక్స్ ప్రధానోపాధ్యాయులు శ్రీనివాస్, ఉన్నత పాఠశాల ప్రధానోపాధ్యాయులు  రాములు మాట్లాడారు. రాములు చేసిన సేవలను ఈ సందర్భంగా గుర్తు చేశారు. ఆయన చిత్రపటానికి పూలమాల వేసి నివాళులర్పించారు. రెండు నిమిషాలు మౌనం పాటించి సంతాపం తెలిపారు. ఈ కార్యక్రమంలో పాఠశాల ఉపాధ్యాయులు కృష్ణ , రాజేశ్వర్ స్రవంతి, సురేఖ  స్థానిక వైద్య సిబ్బంది అంగన్ వాడీ కార్యకర్తలు, ఆశా కార్యకర్తలు,గ్రామస్తులు ప్రవీణ్ , యాదగిరి, మహర్షి,లక్ష్మీనారాయణ , చుక్క శంకర్, కుమార్, సత్యం విద్యార్థుల తల్లిదండ్రులు తదితరులు పాల్గొన్నారు.