ప్రస్తుత వాతావరణ కాలుష్యం నేపథ్యంలో డస్ట్‌ అలర్జీ బారిన పడుతోన్న వారి సంఖ్య క్రమంగా పెరుగుతోంది. చిన్న దుమ్ముకే తుమ్ములు రావడం, ముక్కు కారడం, కళ్లలో దురద, కళ్లు ఎర్రబడడం, గొంతులో నొప్పి వంటి సమస్యలకు దారి తీస్తుంది. శ్వాస సంబంధిత సమస్యలు కూడా ఎక్కువతున్నాయి.
– ఒకసారి డస్ట్‌ ఎలర్జీ బారిన పడ్డామంటే.. తగ్గడం అంత సులువుకాదు. కొన్ని రకాల నేచురల్‌ టిప్స్‌ ద్వారా దీనికి చెక్‌ పెట్టొచ్చని నిపుణులు చెబుతున్నారు. ఎన్ని మందులు వాడినా తగ్గని డస్ట్‌ అలర్జీని కొన్ని రకాల వంటింటి చిట్కాలతో చెక్‌ పెట్టొచ్చని అంటున్నారు. ఇంతకీ ఆ నేచురల్‌ టిప్స్‌ ఏంటో చూద్దాం…
– డస్ట్‌ అలర్జీని చెక్‌ పెట్టడంలో రాక్‌సాల్ట్‌ బాగా ఉపయోగపడుతుంది. ఒక కప్పు వేడి నీటిలో రాక్‌ సాల్ట్‌ను కరిగించి ఆ నీటిని ఆవిరి పట్టాలి. ఇలా చేయడం వల్ల ముక్కు శుభ్రపడుతుంది. గొంతు నొప్పి, వాపును తగ్గించడంలో సహాయపడుతుంది. దుమ్ము, బ్యాక్టీరియా నాశనం అవుతుంది.
– డస్ట్‌ అలర్జీ ఉన్న వారిలో అల్లం, తేనె కూడా బాగా ఉపయోగపడుతుంది. ఈ రెండింటిలో ఉండే నేచురల్‌ యాంటీ ఆక్సిడెంట్‌, యాంటీ ఇన్ఫ్లమేటరీ లక్షణాలు డస్ట్‌ అలర్జీని దూరం చేస్తుంది. ఒక చెంచా తేనెలో అల్లం రసం కలిపి ప్రతీరోజూ ఉదయం ఖాళీ కడుపుతో తీసుకుంటే డస్ట్‌ అలర్జీ దూరమవుతుంది. శరీరంలో రోగ నిరోధక శక్తి పెరుగుతుంది.
– శీతాకాలంలో డస్ట్‌ అలర్జీ మరింత ఎక్కువయ్యే అవకాశాలు ఉంటాయి. ముఖ్యంగా శ్వాసకోశ వ్యాధుల ప్రమాదాన్ని పెంచుతుంది. ఇలాంటి సమయంలో పసుపు, తులసి ఆకులు క్రీయాశీకలంగా ఉపయోగపడతాయి. తులసి ఆకులను ఉడకబెట్టి, అందులో పసుపు వేయాలి. అనంతరం నీరు సగం అయ్యే వరకు వేడి చెయ్యాలి. గోరు వెచ్చ చేసుకొని ఈ నీటిని తాగాలి. ఇది శరీరంలోని విషాన్ని తొలగిస్తుంది.
– రాత్రి పడుకునే ముందు కొబ్బరి నూనె మసాజ్‌ చేసుకున్నా మంచి ఫలితం ఉంటుంది. ముక్కు, గొంతు దగ్గర కొబ్బరి నూనెను మసాజ్‌ చేయాలి. ఇది శ్వాస తీసుకోవడంలో తలెత్తే ఇబ్బందుల నుంచి ఉపశనం కలిగిస్తుంది.
