ఆర్వీ రెడ్డి సమర్పణలో ఆర్వీ సినిమాస్‌ పతాకంపై శ్రీనివాస్‌ రామిరెడ్డి, తిమ్మప్ప నాయుడు పురిమెట్ల, శేషు మారంరెడ్డి నిర్మిస్తున్న సినిమా ‘అరి’. ‘మై నేమ్‌ ఈజ్‌ నో బడీ’ అనేది ఉపశీర్షిక. వినోద్‌ వర్మ, సూర్య పురిమెట్ల, అనసూయ భరద్వాజ్‌, సాయి కుమార్‌, శ్రీకాంత్‌ అయ్యంగార్‌ కీలక పాత్రల్లో నటిస్తున్నారు. ‘పేపర్‌ బారు’ ఫేమ్‌ జయశంకర్‌ దీనికి దర్శకుడు. ఈ సినిమా నుంచి ఇప్పటి వరకు విడుదల చేసిన క్యారెక్టర్‌ లుక్స్‌, ట్రైలర్‌, సాంగ్‌కు మంచి రెస్పాన్స్‌ వచ్చింది. అయోధ్య రామమందిర ప్రారంభోత్సవ సందర్భంగా బాల రాముని దివ్యాశీస్సులతో ఈ సినిమాలో ఓ ముఖ్య పాత్రలో నటించిన సూర్య పురిమెట్ల క్యారెక్టర్‌ను ఇంట్రడ్యూస్‌ చేశారు. ఈ క్యారెక్టర్‌ ఫస్ట్‌ లుక్‌ ఇంట్రెస్ట్‌ క్రియేట్‌ చేస్తూ ఆకట్టుకుంటోంది. ఈ సినిమా ప్రస్తుతం అన్ని కార్యక్రమాలు పూర్తి చేసుకుని విడుదల సిద్ధమవుతోంది. ఓ ప్రముఖ నిర్మాణ సంస్థ భాగస్వామి కానున్న ఈ సినిమాను త్వరలోనే గ్రాండ్‌గా థియేట్రికల్‌ రిలీజ్‌ చేయబోతున్నారు. అలాగే ఈ చిత్ర హిందీ రీమేక్‌ పై బాలీవుడ్‌ హీరో అభిషేక్‌ బచ్చన్‌ ఆసక్తి చూపిస్తున్నారు.త్వరలోనే ఈ సినిమాని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. వైవా హర్ష, శ్రీనివాస రెడ్డి, చమ్మక్‌ చంద్ర, శుభలేక సుధాకర్‌, సురభి ప్రభావతి, అక్షయా శెట్టి, రిధిమా పండిట్‌, పి.అనిల్‌ కుమార్‌, నవీనా రెడ్డి, తమిళ బిగ్‌ బాస్‌ ఫేమ్‌ పావని రెడ్డి, జెమినీ సురేష్‌, ఐ డ్రీమ్‌ అంజలి, మనిక చిక్కాల, సుమన్‌, ఆమని, ప్రవళ్లిక చుక్కల, గాయత్రి భార్గవి, మీనా కుమారి, లావణ్య రెడ్డి, ఇంటూరి వాసు తదితరులు నటిస్తున్న ఈ చిత్రానికి మ్యూజిక్‌ : అనుప్‌ రూబెన్స్‌, ఎడిటర్‌ : జి.అవినాష్‌, లిరిక్స్‌ : కాసర్ల శ్యాం, వనమాలి, కళ్యాణ్‌ చక్రవర్తి, కొరియోగ్రఫీ – భాను, జీతు, ప్రొడక్షన్‌ డిజైనర్‌ : రాజీవ్‌ నాయర్‌, సినిమాటోగ్రఫీ : కష్ణ ప్రసాద్‌, శివశంకర వరప్రసాద్‌, లైన్‌ ప్రొడ్యూసర్‌ : శివకాంత్‌, ఎగ్జిక్యూటివ్‌ ప్రొడ్యూసర్‌ : వినరు.
