రాజ్‌కమల్‌ ఫిల్మ్స్‌ ఇంటర్నేషనల్‌, సోనీ పిక్చర్స్‌ ఇంటర్నేషనల్‌ ప్రొడక్షన్స్‌ మోస్ట్‌ ఎవైటెడ్‌ ప్రాజెక్ట్‌ ‘అమరన్‌’. ఈ సినిమా అక్టోబర్‌ 31న దీపావళికి ప్రేక్షకుల ముందుకు రాబోతుందని మేకర్స్‌ అనౌన్స్‌ చేశారు. రాజ్‌కుమార్‌ పెరియసామి రైటింగ్‌, డైరెక్షన్‌ చేసిన ఈ చిత్రం కాశ్మీర్‌ నేపథ్యంలో యాక్షన్‌ ఎమోషనల్‌ డ్రామాగా తెరకెక్కుతోంది. శివకార్తికేయన్‌ ఇందులో మునుపెన్నడూ చూడని అవతార్‌, ఇంటెన్స్‌ క్యారెక్టర్‌లో కనిపించబోతున్నారు. సాయి పల్లవి స్క్రీన్‌ని పంచుకోవడం, సినిమాకు డీప్‌ ఎమోషన్స్‌ని యాడ్‌ చేస్తోంది. కమల్‌ హాసన్‌, ఆర్‌.మహేంద్రన్‌, సోనీ పిక్చర్స్‌ ఇంటర్నేషనల్‌ ప్రొడక్షన్స్‌, గాడ్‌ బ్లెస్‌ ఎంటర్‌టైన్‌మెంట్‌తో కలిసి నిర్మించిన ఈ చిత్రం శివ్‌ అరూర్‌, రాహుల్‌ సింగ్‌ రాసిన ‘ఇండియాస్‌ మోస్ట్‌ ఫియర్‌లెస్‌’ అనే పుస్తకంలోని ‘మేజర్‌ వరదరాజన్‌’ చాప్టర్‌ ఆధారంగా రూపొందిస్తున్నారు. 2022 బ్లాక్‌బస్టర్‌ హిట్‌ ‘విక్రమ్‌’ తర్వాత రాజ్‌కమల్‌ ఇంటర్నేషనల్‌ పతాకం నుంచి వస్తున్న ఈ సినిమా బౌండరీస్‌ దాటి దేశవ్యాప్తంగా ప్రేక్షకులకు గ్రేట్‌ సినిమాటిక్‌ ఎక్స్‌పీరియన్స్‌ని అందించబోతోంది. ఈ సినిమాలో శివకార్తికేయన్‌ పాత్ర చాలా వైవిధ్యంగా ఉంటుంది. ఆయన పాత్ర తీరు తెన్నులను ఎవ్వరూ గెస్‌ చేయలేదు. ఓ సరికొత్త చిత్రాన్ని ప్రేక్షకుల ముందుకు మేకర్స్‌ తీసుకొస్తున్నారు అని చిత్ర యూనిట్‌ తెలిపింది.
