‘అగ్గిపుల్లే అలా గీసినట్టు’..

'As if the matches were drawn like that'..హీరో కిరణ్‌ అబ్బవరం నటిస్తున్న కొత్త సినిమా ‘దిల్‌ రూబా’. రుక్సర్‌ థిల్లాన్‌ హీరోయిన్‌. ఈ చిత్రాన్ని శివమ్‌ సెల్యులాయిడ్స్‌, మ్యూజిక్‌ లేబుల్‌ సారెగమ నిర్మాణ సంస్థ ఏ యూడ్లీ ఫిలిం సంయుక్తంగా నిర్మిస్తున్నాయి. రవి, జోజో జోస్‌, రాకేష్‌ రెడ్డి, సారెగమ నిర్మాతలుగా వ్యవహరిస్తున్నారు. విశ్వ కరుణ్‌ దర్శకత్వం వహిస్తున్నారు. ఈ సినిమా ఫిబ్రవరి 14న వాలెంటైన్స్‌ డే సందర్భంగా గ్రాండ్‌ థియేట్రికల్‌ రిలీజ్‌కు రెడీ అవుతోంది.ఈ నేపథ్యంలో తాజాగా ఈ సినిమా నుంచి ఫస్ట్‌ సింగిల్‌ ‘అగ్గిపుల్లే..’ను మేకర్స్‌ రిలీజ్‌ చేశారు. ‘అగ్గిపుల్లే అలా గీసినట్టు, కోపంగా చూడకే కొట్టినట్టు, గాలి దుమారమే రేగినట్టు, ఆవేశమెందుకే నొక్కిపెట్టు…’ అంటూ బ్యూటిఫుల్‌ మెలొడీతో సాగుతుందీ పాట. కిరణ్‌ అబ్బవరం, సామ్‌ సీఎస్‌ కాంబినేషన్‌లో వచ్చిన ‘క’ మూవీ సాంగ్స్‌ ఛాట్‌ బస్టర్స్‌ అయ్యాయి. ఈ నేపథ్యంలో ఈ చిత్ర ఆడియో మీద అందరిలోనూ హై ఎక్స్‌పెక్టేషన్స్‌ ఉన్నాయి. అలాగే ‘క’ వంటి బ్లాక్‌బస్టర్‌ తరువాత కిరణ్‌ అబ్బవరం నటిస్తున్న సినిమా కావడంతో కథపరంగా కూడా అంచనాలు తారా స్థాయిలో ఉన్నాయి. అందరి అంచనాలకు మించి ఈ సినిమా ఉంటుందనే దీమాని మేకర్స్‌ వ్యక్తం చేస్తున్నారు. ఓ వైవిధ్యమైన ప్రేమకథగా దీన్ని ప్రేక్షకుల ముందుకు తీసుకొస్తున్నారు. అలాగే దీన్ని ప్రేమికుల రోజు కానుకగా రిలీజ్‌ చేసేందుకు సన్నాహాలు చేస్తున్నారు. ఈ చిత్రానికి ప్రొడక్షన్‌ డిజైనర్‌ – సుధీర్‌, ఎడిటర్‌ – ప్రవీణ్‌.కేఎల్‌, సినిమాటోగ్రఫీ – డానియేల్‌ విశ్వాస్‌, మ్యూజిక్‌ – సామ్‌ సీఎస్‌, నిర్మాతలు : రవి, జోజో జోస్‌, రాకేష్‌ రెడ్డి, సారెగమ, రచన, దర్శకత్వం – విశ్వ కరుణ్‌.