”ఖుషి’ సినిమాకు ఘన విజయాన్ని అందించిన అభిమానులతో తన సంతోషాన్ని పంచుకుకున్నారు హీరో విజరు దేవరకొండ. ‘ఖుషి’ హ్యాపీనెస్‌ని షేర్‌ చేసేందుకు ఎంపిక చేసిన 100 లక్కీ ఫ్యామిలీస్‌కు లక్ష రూపాయల చొప్పున ఆయన చెక్స్‌ అందించారు. ఈ చెక్స్‌ అందుకున్న కుటుంబాలు ఉద్వేగానికి లోనై విజరును హగ్‌ చేసుకున్నారు. హైదరాబాద్‌లో జరిగిన ఈ కార్యక్రమంలో హీరో విజరు దేవరకొండ, దర్శకుడు శివ నిర్వాణ, మైత్రీ మూవీ మేకర్స్‌ నిర్మాతలు నవీన్‌ యెర్నేని, వై రవిశంకర్‌ పాల్గొన్నారు. ఈ సందర్భంగా హీరో విజరు దేవరకొండ మాట్లాడుతూ,’నాకు ఇంత ప్రేమ పంచుతున్న మీ కోసం ఎన్నో మంచి కార్యక్రమాలు చేయాలని ఉంటుంది. ఎందుకంటే నేను కూడా ఒకప్పుడు ఇలా ఎవరైనా మనకు హెల్ప్‌ చేస్తే బాగుండు అని అనుకున్న వాడినే. ఈ లక్ష రూపాయలు అందిన తర్వాత కొంచెం సంతోషం కలిగి ఒత్తిడి తగ్గి, బలాన్నిచ్చి మీకు ఆనందంగా అనిపిస్తే నాకు అదే సంతప్తినిస్తుంది. ఈ చిన్న సాయం మీకు ఉపయోగపడితే నాకు హ్యాపీ. లాస్ట్‌ టైమ్‌ కొంతమంది పిల్లల్ని టూర్‌కు పంపించా. ఈ ప్రోగ్రాం అనౌన్స్‌ చేసినప్పటి నుంచి 50 వేలకు పైగా అప్లికేషన్స్‌ వచ్చాయి. అయితే 100 మందికి మాత్రమే చేయగలుగుతున్నాం. ప్రతి ఇయర్‌ ఇంకొందరికి హెల్ప్‌ చేస్తా. ఇలా నేను స్ట్రాంగ్‌గా ఉన్నంతవరకు, నేను సినిమాలు చేస్తున్నంతకాలం మీకు సపోర్ట్‌ చేస్తూనే ఉంటాను’ అని తెలిపారు. ”ఖుషి’ సినిమా సక్సెస్‌ మా అందరికీ ఎంత ఖుషిని పంచిందో మీకు తెలుసు. మీ అందరి ఆదరణ వల్లే సినిమా ఇంత సక్సెస్‌ అయ్యింది. మా సంతోషాన్ని మీతో కూడా పంచుకునేందుకు విజరు ఇలా చేయటం హ్యాపీగా ఉంది. ఆడియెన్స్‌, అభిమానులు ఇచ్చిన ప్రేమ వల్లే మా మైత్రి సంస్థ ఇంత మంచి పొజిషన్‌లో ఉంది. వారికి తిరిగి ఇవ్వడం అనే గుడ్‌ కాన్సెప్ట్‌ని విజరు తీసుకురావడం బాగుంది. ఇండిస్టీలోని మిగతా వారు కూడా ఇలాంటి అడుగు వేస్తారని ఆశిస్తున్నాం. భవిష్యత్‌లోనూ మా సంస్థ ఇలాంటి మరిన్ని మంచి కార్యక్రమాలను నిర్వహించేందుకు కృషి చేస్తుంది. మీ అందరి ఆదరణకు మనస్ఫూర్తిగా ధన్యవాదాలు’ అని దర్శక, నిర్మాతలు శివ నిర్వాణ, వై రవిశంకర్‌, నవీన్‌ యెర్నేని అన్నారు.
