విద్యలో శ్రద్ధ

శ్రద్ధను పరిశీలనగా నిర్వచించవచ్చు. మనస్తత్వ శాస్త్రంలో శ్రద్ధ నిర్వచనం రెండు కీలక అంశాలను కలిగి ఉంటుంది. నిర్దిష్ట సమాచారంపై దృష్టి కేంద్రీకరించే సామర్థ్యం. ఇతర ఉద్దీపనలను ట్యూన్‌ చేసే ఏకకాల సామర్థ్యం. అభ్యాస ప్రక్రియలో శ్రద్ధ మొదటి దశ. ఉపాధ్యాయులకు, విద్యార్థుల దృష్టిని ఆకర్షించడం విద్యా బోధనలో కీలకమైన అంశం. తరగతిలో విద్యార్థుల శ్రద్ధను మెరుగుపరచడం అవసరం.
నిరంతర శ్రద్ధను ఏకాగ్రత అని కూడా పిలుస్తారు. అంటే ఒక పనిపై పూర్తిగా దృష్టి ఉంచడం. విద్యార్థులు పరీక్షలో పాల్గొనడానికి, గణిత సమస్యను పూర్తి చేయడానికి నిరంతర శ్రద్ధను ప్రదర్శించాలి.
సెలెక్టివ్‌ అటెన్షన్‌
సెలెక్టివ్‌ అటెన్షన్‌ అంటే ఇతర యావగేషన్లను పక్కనపెట్టి ఒకే విషయంపై దృష్టి పెట్టడానికి క్రియాశీల నిర్ణయం తీసుకునే ప్రక్రియ. ఒక పిల్లాడు కిచెన్‌ టేబుల్‌ దగ్గర కూర్చుని హోంవర్క్‌ చేస్తూ చుట్టుపక్కన వచ్చే రేడియో, టీవీ శబ్దాలను పట్టించుకోకపోవడం.
క్లాస్‌లో శ్రద్ధ
విద్యలో శ్రద్ధకున్న ప్రాముఖ్యతను తక్కువగా చెప్పలేం. ఎగ్జిక్యూటివ్‌ ఫంక్షనింగ్‌ స్కిల్స్‌ అని పిలువబడే నైపుణ్యాలలో భాగమే అటెన్షన్‌. ప్రణాళిక, దృష్టి, జ్ఞాపకశక్తికి సంబంధించిన స్కిల్స్‌. విద్యార్థులు పరధ్యానాన్ని పక్కనపెట్టి, పాఠంపై దృష్టి సారించే క్రమశిక్షణను అభ్యసించాలి.
హైపర్యాక్టివిటీ డిజార్డర్‌
అటెన్షన్‌ డెఫిసిట్‌ హైపర్యాక్టివిటీ డిజార్డర్‌ (ADHD), అటెన్షన్‌ డెఫిసిట్‌ డిజార్డర్‌ (ADD) అనేవి సమాచారంపై దృష్టి పెట్టకుండా ప్రతికూలంగా ప్రభావితం చేస్తాయి. ఇవి రెండు ఒకే రుగ్మతగా పరిగణించబడుతున్నప్పటికీ, ADD అనే పదాన్ని పని పట్ల అజాగ్రత్తగా వ్యవహరించడాన్ని సూచించడానికి ఉపయోగిస్తారు. ADHD హైపర్యాక్టివ్‌ కాంపోనెంట్‌తో ఉన్న రుగ్మతను సూచించడానికి ఉపయోగించబడుతుంది. ADHD సాధారణంగా బాల్యంలో నిర్ధారణ అయి యుక్తవయసు వరకు కొనసాగుతుంది. ADD, ADHD వలన విద్యార్థి పాఠంపై దృష్టి పెట్టలేకపోవడం, సులభంగా తప్పులు చేయడం, పేలవమైన నైపుణ్యాలను ప్రదర్శించడం, తరచుగా ఆఫ్‌ టాపిక్‌ సంభాషణలు చేయడం, అనుచితమైన చర్యలను ప్రదర్శించడం, అధిక శారీరక శ్రమలో పాల్గొనడం వంటి సమస్యలకు కారణం కావచ్చు. ఉపాధ్యాయులు, తల్లిదండ్రులు, వైద్య నిపుణులతో కలిసి ADD, ADHD ప్రభావాలను అధిగమించడానికి సహాయం చేస్తారు.
విద్యార్థులు చదువుమీద శ్రద్ధ పెట్టాలంటే ముందుగా వారి ప్రాథమిక అవసరాలను తీర్చాలి. అధ్యాపకులు విద్యార్థుల దృష్టిని మెరుగుపరచడానికి అనేక రకాల వ్యూహాలను ఉపయోగించవచ్చు.
నిరంతర శ్రద్ధ : ఇచ్చిన సమయానికి పని పూర్తయ్యేలా దానిపై దృష్టి పెట్టండి
సెలెక్టివ్‌ అటెన్షన్‌ : కొన్ని లక్ష్యాలపై దృష్టి కేంద్రీకరించడం, కొన్నింటిని మినహాయించడం.
పరిమిత శ్రద్ధ : ఏకకాలంలో రెండు పనులపై దృష్టి పెట్టడానికి ప్రయత్నించడం.
ఎంపికలో శ్రద్ధ: ఏ లక్ష్యాలపై దృష్టి పెట్టాలి ఏ లక్ష్యాలను విస్మరించాలో ఎంచుకోవడం.
కేంద్రీకత శ్రద్ధ: వెంటనే రెస్పాండ్‌ అవడం.
శ్రద్ధ ఎందుకు ముఖ్యం?
శ్రద్ధ కార్యనిర్వాహక పనితీరుకు నైపుణ్యం. ఇది ప్లాన్‌ చేయడానికి, పని చేయడానికి, గుర్తుంచుకోవడానికి ఉపయోగించే నైపుణ్యం. విద్యార్థుల దృష్టిని ఆకర్షించే వాతావరణాన్ని, అభ్యాస అవకాశాలను సృష్టించడం ఉపాధ్యాయుల బాధ్యత. విద్యార్థులు వ్యక్తిగత పరధ్యానాలను తగ్గించడం ద్వారా అవగాహనను పెంచవచ్చు. అభ్యాస ప్రక్రియలో చురుకుగా పాల్గొనేలా చేసి, పనిపై వారి దృష్టిని పెంచాలి.
విద్యలో శ్రద్ధ పాత్ర ఏమిటి?
శ్రద్ధను నేర్చుకునే మొదటి మెట్టు అని చెప్పవచ్చు. విద్యార్థి ఏదైనా ఒక సమాచారాన్ని తెలుసుకోవాలంటే దానిమీద దృష్టి పెట్టాలి. శ్రద్ధ అనేది జ్ఞాపకశక్తి పూర్వగామి.