మహేష్‌ చింతల, విద్యాసాగర్‌ కారంపురి, మురళీధర్‌ గౌడ్‌ లీడ్‌ రోల్స్‌లో ఓ హిలేరియస్‌ ఎంటర్టైనర్‌ రూపొందుతోంది. తార స్టోరీ టెల్లర్స్‌ బ్యానర్‌ పై బి. బాలకష్ణ, సి.రామ శంకర్‌ ఈ చిత్రాన్ని నిర్మిస్తున్నారు. శంకర్‌ చేగూరి దర్శకుడు. గ్రామీణ నేపథ్యంలో సాగే ఈ ఎంటర్‌టైనర్‌కి ‘బద్మాషులు’ అనే క్రేజీ టైటిల్‌ని మేకర్స్‌ ఖరారు చేశారు. మహేష్‌ చింతల, విద్యాసాగర్‌ కారంపురి, మురళీధర్‌ గౌడ్‌ కనిపించిన ఫస్ట్‌ లుక్‌ పోస్టర్‌ చాలా ఇంట్రస్టింగ్‌గా ఉందిద. టైటిల్‌ డిజైన్‌ చాలా క్రియేటివ్‌గా ఉండి ఎట్రాక్ట్‌ చేస్తోంది. గ్రామీణ నేపథ్యంలో జరిగే హాస్య భరిత చిత్రమిది. ప్రతి సన్నివేశంలో కడుపుబ్బా నవ్వుకుని, ఆ అనుభూతిని నలుగురు పంచుకునే చిత్రం. ఈ చిత్రంలోని ప్రతి పాత్ర మీ నిజ జీవితంలో, మీ ఊరిలోని మీరు కలిసిన వారిలాగే ఉంటూ నవ్విస్తుంటాయి. కథనం పరంగా నవ్విస్తూనే గొప్ప సందేశాన్ని ఇస్తుంది అని చిత్ర బృందం తెలిపింది. బలగం సుధాకర్‌ రెడ్డి, కవిత శ్రీరంగం, దీక్ష కోటేశ్వర్‌, అన్షుమన్‌, అంజి తదితరులు నటిస్తున్న ఈచిత్రానికి దర్శకత్వం-శంకర్‌ చేగూరి, సంగీత దర్శకులు- తేజ కూనూరు, సినిమాటోగ్రాఫర్‌- వినీత్‌ పబ్బతి, ఎడిటర్‌- గజ్జల రక్షిత్‌ కుమార్‌.
