అప్రమత్తంగా ఉండండి: సహజ వాయువు పైప్‌లైన్‌ల తవ్వకం, నాశనం చేసిన యెడల చట్టపరమైన చర్యలు తీసుకోబడతాయి

నవతెలంగాణ తిరుపతి: తిరుపతిలోని శ్రీ సాయి నగర్‌లో, ఏజి & పి ప్రథమ్ సంస్థ (AG&P Pratham) ద్వారా వేయబడిన సహజ వాయువు పైప్‌లైన్ ఇటీవల డ్రైనేజీ పైప్‌లైన్‌ను అమర్చడానికి ప్రయత్నిస్తున్న ఇంటి యజమాని చేపట్టిన తవ్వకాల కారణముగా పాడైంది. ప్రస్తుత చట్టాల ప్రకారం, ఐపీసీ సెక్షన్ 285 మరియు 336 కింద ఈ తరహా అనధికార నష్టాలకు 3 సంవత్సరాల జైలు శిక్ష, 25 కోట్ల వరకు జరిమానా విధించబడుతుంది. తిరుపతి జిల్లా సిటీ గ్యాస్ డిస్ట్రిబ్యూషన్ (CGD) నెట్‌వర్క్‌కు అధీకృత సంస్థ అయిన ఏజి & పి ప్రథమ్ సంస్థ (AG&P Pratham) ద్వారా 32 mm మీడియం డెన్సిటీ పాలిథిలిన్ సహజ వాయువు పైప్‌లైన్ మౌలిక సదుపాయాలు ఏర్పాటు చేయబడ్డాయి. పైప్‌లైన్‌లో జరిగిన నష్టాన్ని కంపెనీ త్వరగా పునరుద్ధరించింది.
ఈ ప్రాంతంలో గ్యాస్ సరఫరాను వీలైనంత త్వరగా పునరుద్ధరించేలా చూసింది. ప్రభుత్వ చట్టం ప్రకారం, తృతీయ పక్షం తవ్వకం పనులను ప్రారంభించాలనుకుంటే, వారు ‘డయల్ బిఫోర్ యు డిగ్’ కాంటాక్ట్ నంబర్, 1800 2022 999 ద్వారా సిటీ గ్యాస్ డిస్ట్రిబ్యూషన్ కంపెనీకి తెలియజేయాలి. గృహావసరాల కోసం పైప్డ్ నేచురల్ గ్యాస్ (PNG) సరఫరా మరియు రవాణా వినియోగదారుల కోసం కంప్రెస్డ్ నేచురల్ గ్యాస్ (CNG) సరఫరా చేయడానికి కంపెనీ తిరుపతిలో పైప్‌లైన్ మౌలిక సదుపాయాలను ఏర్పాటు చేసింది. రూట్ మార్కర్ల పై స్పష్టమైన వీక్షణ , హెచ్చరిక సంకేతాలు మరియు అత్యవసర సమాచార బోర్డు ఉన్నప్పటికీ, తవ్వకం పనులను పర్యవేక్షించే కాంట్రాక్టర్ త్రవ్వకాన్ని ప్రారంభించే ముందు ఏజి & పి ప్రథమ్ సంస్థ (AG&P Pratham)కు తెలియజేయడం లేదా ఏదైనా సంఘటన తర్వాత నివేదిక అందించడం విస్మరించరాదు. చట్టాన్ని అనుసరించడం, అలాంటి నిర్లక్ష్యాన్ని నివారించడం యొక్క ప్రాముఖ్యతను నొక్కిచెబుతూ, తృతీయ పక్షాల ద్వారా భవిష్యత్తులో ఇటువంటి సంఘటనలు జరగకుండా నిరోధించడానికి కఠినమైన చర్యలు తీసుకోవాల్సిన తక్షణ అవసరాన్ని ఈ సంఘటన మరోసారి నొక్కి చెబుతుంది.

Related posts: