హీరో రామ్‌ పోతినేనితో ‘అఖండ’ బ్లాక్‌బస్టర్‌ విజయం తర్వాత బోయపాటి శ్రీను తెరకెక్కిస్తున్న మాస్‌ యాక్షన్‌ పాన్‌ ఇండియా ఎంటర్‌టైనర్‌ ‘స్కంద- ది ఎటాకర్‌’. శ్రీలీల కథానాయికగా నటిస్తున్న ఈ సినిమా షూటింగ్‌ ఇటీవల పూర్తయ్యింది. ఇప్పటికే సినిమాకు సంబంధించిన ప్రమోషన్‌ కార్యక్రమాలు జోరుగా జరుగుతున్నాయి. టైటిల్‌ గ్లింప్స్‌కు అద్భుతమైన స్పందన లభించగా, తమన్‌ స్కోర్‌ చేసిన ఫస్ట్‌ సింగిల్‌ మ్యూజిక్‌ చార్ట్‌లలో టాప్‌లో ఉంది. దీంతో మేకర్స్‌ ఆఫ్‌లైన్‌ ప్రమోషన్‌లను ప్రారంభించారు. ఈ ఫిల్మ్‌ స్టాండీలు విడుదలయ్యాయి, అన్ని చోట్ల ఏర్పాటు చేయబడ్డాయి. స్టాండీ ఇమేజస్‌ ఒకదానిలో రామ్‌ యాక్షన్‌-ప్యాక్డ్‌ అవతార్‌లో కనిపిస్తున్నారు. మరొక ఇమేజ్‌ రామ్‌, శ్రీలీల రొమాంటిక్‌ కెమిస్ట్రీని ప్రజంట్‌ చేస్తోంది. యాక్షన్‌ పోస్టర్‌ మాస్‌ని ఆకట్టుకుంటే, రొమాంటిక్‌ పోస్టర్‌ ఫ్యామిలీ ఆడియన్స్‌ని మెప్పిస్తుంది.
ఈ సినిమాపై అంచనాలు భారీగా ఉన్నాయి, సినిమా చూడాలనే క్యూరియాసిటీని మరింత పెంచడానికి రెగ్యులర్‌ అప్‌డేట్‌లతో ముందుకు రావాలని మేకర్స్‌ ప్లాన్‌ చేస్తున్నారు.
శ్రీనివాసా సిల్వర్‌ స్క్రీన్‌ బ్యానర్‌పై అత్యున్నత సాంకేతిక ప్రమాణాలు, నిర్మాణ విలువలతో భారీ బడ్జెట్‌తో శ్రీనివాస చిట్టూరి ప్రతిష్టాత్మకంగా నిర్మిస్తున్న ఈ చిత్రానికి సంతోష్‌ డిటాకే కెమెరామెన్‌గా పని చేస్తున్నారు. ఈ చిత్రాన్ని జీ స్టూడియోస్‌ సౌత్‌, పవన్‌ కుమార్‌ సమర్పిస్తున్నారు.
తెలుగు, తమిళం, కన్నడ, మలయాళం, హిందీ భాషల్లో సెప్టెంబర్‌ 15న ప్రపంచ వ్యాప్తంగా ఈ సినిమా విడుదల కానుంది.
