యూవీ క్రియేషన్స్‌ సమర్పణలో యూవీ కాన్సెప్ట్స్‌ బ్యానర్‌ పై కార్తికేయ గుమ్మకొండ హీరోగా నటించిన సినిమా ”భజే వాయు వేగం’. ఐశ్వర్య మీనన్‌ హీరోయిన్‌ నటించింది. హ్యాపీ డేస్‌ ఫేమ్‌ రాహుల్‌ టైసన్‌ కీలక పాత్రను పోషించారు. ఎమోషనల్‌ యాక్షన్‌ థ్రిల్లర్‌ కథతో దర్శకుడు ప్రశాంత్‌ రెడ్డి ఈ చిత్రాన్ని రూపొందించారు. వరల్డ్‌ వైడ్‌ గ్రాండ్‌ థియేట్రికల్‌ రిలీజ్‌కు వచ్చిన ఈ సినిమా అన్ని చోట్ల నుంచి సూపర్‌ హిట్‌ టాక్‌ తెచ్చుకుంది. ఈ నేపథ్యంలో చిత్ర బృందం నిర్వహించిన సక్సెస్‌మీట్‌లో హీరో కార్తికేయ మాట్లాడుతూ, ”ఈ సినిమాకి అందరి దగ్గర నుంచి పాజిటివ్‌ రెస్పాన్స్‌ వస్తోంది. ఒక్కరు కూడా నెగిటివ్‌గా చెప్పడం లేదు. సాధారణంగా సినిమాలో ఫలానా ఎలిమెంట్‌ బాగుందని చెబుతారు. కానీ ఈ సినిమాని చూసినవాళ్లు కంప్లీట్‌ మూవీ నచ్చిందని అంటున్నారు. ఈ రేంజ్‌ సినిమా ఇంత ఎమోషనల్‌గా తెరకెక్కి ప్రేక్షకుల మెప్పు పొందడం హ్యపీగా ఉంది. ఆర్‌ఎక్స్‌100 కంటే ఎక్కువ ఎమోషన్‌ ఈ సినిమాలో వర్కవుట్‌ అయ్యింది. మేము కథను నమ్మి ఎలాంటి మూవీ చేయాలనుకున్నామో, అలాంటి మూవీ చేశాం. సక్సెస్‌ కూడా మేము ఆశించినట్లే దక్కింది’ అని తెలిపారు. ‘నిన్న మా క్లోజ్‌ సర్కిల్‌, ఫ్యామిలీ మెంబర్స్‌కు షో వేశాం. వాళ్ల దగ్గర నుంచి వచ్చిన రెస్పాన్స్‌తో నాలో కొంత ఒత్తిడి తగ్గింది. అలాగే సంధ్య థియేటర్‌లో మూవీ చూసి వచ్చాను. థియేటర్‌లో ఆడియెన్స్‌ రెస్పాన్స్‌ చూశాక మాకెంతో హ్యాపీ ఫీలింగ్‌ కలిగింది. సినిమాలో ఎమోషన్స్‌ బాగా వర్కవుట్‌ అయ్యాయని, సెకండాఫ్‌ గ్రిప్పింగ్‌గా ఉందని చెబుతున్నారు. మేము ప్రేక్షకుల్ని గౌరవించి, వాళ్లకు నచ్చే ఎమోషన్స్‌తో సినిమా రూపొందించాం. ప్రేక్షకులు మాకు తిరిగి రెట్టింపు గౌరవాన్ని ప్రేమను అందిస్తున్నారు అని దర్శకుడు ప్రశాంత్‌ రెడ్డి చెప్పారు.
