నవతెలంగాణ – పెద్దవూర
మండలంలోని పొట్టేవాని తండా అంగన్వాడీ కేంద్రం లో గురువారం అనుముల శిశు సంక్షేమ శాఖ ఐసీడీఎస్ వారి అధ్వర్యంలో భేటీ బచావో భేటీ పడావో కార్యక్రమం ఘనంగా నిర్వహించారు. ఈ కార్యక్రమానికి అంగన్వాడీ చలకుర్తి సెక్టారు సూపర్ వైజర్ గౌసియా బేగం ముఖ్య అతిథిగా హాజరై గ్రామం లో ర్యాలీ నిర్వహించి కార్యక్రమాన్ని ప్ర్రారంభించి మాట్లాడారు. బాలల హక్కులు, ముఖ్యంగా బాలిక సాధికారత కోసం ప్రభుత్వం చేస్తున్న పతకాలను, బాలికల విద్య కోసం కస్తూర్బా బాలికల, గురుకుల పాఠశాలలను ఏర్పాటు చేశారని తెలిపారు. వారి రక్షణ కోసం, అభివృది కోసం తీసుకుంటున్న చర్యలను, వాటి పరిరక్షణ చట్టాలైన పోక్సో 2012 చట్టం, చైల్డ్ ప్రొటెక్షన్ పాలసీ, బాల్య వివాహాల నిరోధ చట్టం 2006, వంటి వాటిపైన అవగాహన కల్పించామని తెలిపారు. బాలలకు ఏదైనా ఆపద ఉంటే 1098,100 ,181 ఉచిత టోల్ ఫ్రీ నంబరను ఉపయోగించుకోవాలని అన్నారు. ఈ కార్యక్రమంలో అంగన్వాడీ టీచర్ నారాయణమ్మ, ఆయా అంబాలి, మాజీ సర్పంచ్ విజయ బాలవద్ధిరాజు, బాలింతలు సంధ్య, జ్యోతి, సరిత,గ్రామస్తులు మంగ్యా,మంగ్త, అంజలి పాల్గొన్నారు.
