హీరోయిన్‌ వేదిక లీడ్‌ రోల్‌లో నటిస్తున్న సినిమా ‘ఫియర్‌’. ఈ సినిమాను దత్తాత్రేయ మీడియా బ్యానర్‌ పై ప్రొడ్యూసర్‌ ఏఆర్‌ అభి నిర్మిస్తున్నారు. సుజాత రెడ్డి కో ప్రొడ్యూసర్‌గా వ్యవహరిస్తున్నారు. సస్పెన్స్‌ థ్రిల్లర్‌ కథతో దర్శకురాలు డా|| హరిత గోగినేని ఈ మూవీని రూపొందిస్తున్నారు. అరవింద్‌ కృష్ణ ఓ స్పెషల్‌ రోల్‌లో కనిపించనున్నారు. ఈ సినిమా విడుదలకు ముందే వివిధ ప్రతిష్టాత్మక అంతర్జాతీయ ఫిలిం ఫెస్టివల్స్‌లో 60కి పైగా అవార్డ్స్‌లను గెల్చుకుని కొత్త రికార్డ్‌ క్రియేట్‌ చేసింది.శనివారం ఈ సినిమా ఫస్ట్‌లుక్‌ పోస్టర్‌ను డైరెక్టర్‌, కొరియోగ్రాఫర్‌ ప్రభుదేవా సోషల్‌ మీడియా ద్వారా రిలీజ్‌ చేశారు. ఫస్ట్‌లుక్‌ పోస్టర్‌ ఆసక్తికరంగా ఉందన్న ఆయన చిత్ర యూనిట్‌కు బెస్ట్‌ విషెస్‌ అందజేశారు. ఒక చీకటి గదిలో హీరోయిన్‌ భయపడుతూ చూస్తున్న స్టిల్‌తో డిజైన్‌ చేసిన ఫస్ట్‌లుక్‌ పోస్టర్‌ ఇంట్రెస్ట్‌ క్రియేట్‌ చేస్తోంది. డిఫరెంట్‌ సస్పెన్స్‌ థ్రిల్లర్‌ కథతో రూపొందిన ఈ సినిమా త్వరలోనే గ్రాండ్‌ థియేట్రికల్‌ రిలీజ్‌కు సిద్ధమవుతోంది. జెపి(జయప్రకాష్‌), పవిత్ర లొకేష్‌, అనీష్‌ కురువిల్ల, షాయాజీ షిండే, సత్యకృష్ణ, సాహితి దాసరి, షాని తదితరులు నటిస్తున్న ఈ చిత్రానికి మ్యూజిక్‌ – అనూప్‌ రూబెన్స్‌, కెమెరా – ఐ ఆండ్రూ, లిరిక్స్‌ – కృష్ణ కాంత్‌, కొరియోగ్రఫీ – విశాల్‌, రచన, ఎడిటింగ్‌, దర్శకత్వం – డా|| హరిత గోగినేని.
