– గంకిడి శ్రీనివాస్ రెడ్డి, తన తండ్రి, సోదరుడు ..
– మాభూమి మాకు ఇప్పించి, రక్షణ కల్పించండి..
– భూ నిర్వాసితులు ప్రభుత్వానికి వేడుకోలు..
నవతెలంగాణ – ధర్మసాగర్
భూమి మీదికి వస్తే చంపేస్తానంటూన్నా బీజేపీ నాయకుడు మాజీ మండలాధ్యక్షుడు గంకిడి శ్రీనివాస్ రెడ్డి పై ప్రభుత్వం రౌడీ షీట్ ను ఓపెన్ చేయాలని, మాభూమి మాకిప్పించి,తన నుండి మాకు రక్షణ కల్పించాలని గంధం వెంకటేశ్వర్లు, అలియాస్ వీరస్వామి, గంకిడి తిరుపతి, ముక్క రమేష్ లు ప్రభుత్వాన్ని కోరారు.శుక్రవారం మండల కేంద్రంలో విలేకరుల సమావేశాన్ని నిర్వహించారు. ఈ సందర్భంగా వెంకటేశ్వర్లు మాట్లాడుతూ.. మండల కేంద్రానికి చెందిన బీజేపీ నాయకులు గంకిడి శ్రీనివాస్ రెడ్డి, తన తండ్రి దామోదర్ రెడ్డి, సోదరుడు గోపాల్ రెడ్డి ఎలాంటి ఆధారాలు లేకుండా మా భూమిని ఆక్రమించుకున్నారని ఆవేదన వ్యక్తం చేశారు. మాకు భూమి ఉన్నదని పలుమార్లు గొడవలు జరగడంతో గ్రామ పెద్దమనుషుల సమక్షంలో సర్వే నెంబర్ల ప్రకారం ఎవరికి ఎంత ఉన్నది అన్నది కొలత ప్రకారం నడుచుకోవాలని సూచనల మేరకు పలు పంచాయతీలో తీర్మానం చేసిన మా భూమి మీదికి రాకుండా మండల సర్వే జిల్లా సర్వే నిర్వహిస్తామన్నప్పటికీ వాటిని బేఖాతరు చేస్తూ, భూములను కొలవకుండా వారిని ఆక్రమించుకుంటూ మమ్మల్ని దౌర్జన్యంగా కొట్టడం జరిగిందని వాపోయారు. మమ్మల్ని కొట్టడమే కాకుండా తను ఒక పథకం ప్రకారం 108,100 ఫోన్ చేసి మేము వారిని కారంపొడి చల్లి వారిని కొట్టడం జరుగుతుందని సోషల్ మీడియాలో ఇష్టం వచ్చిన రీతిగా అసత్య ఆరోపణలు చేయడమే కాకుండా పోలీస్ స్టేషన్లో ఫిర్యాదు చేయడం జరిగిందని వివరించారు. తీరా పోలీస్ స్టేషన్లో సీఐ ఎస్ఐ సమక్షంలో విచారణ చేపట్టగా ఎలాంటి ఆధారాలు లేకపోవడంతో పోలీసులు వారిని మందలించడం జరిగింది. ఇది అదునుగా భావించి తను చనిపోతానని అసత్యపు సూసైడ్ నోట్ వ్రాసి, తన చావుకు లేని వారి పేరు కూడా అందులో మెన్షన్ చేసి మా మనోభావాలు దెబ్బ తీసే విధంగా, శారీరకంగా మానసికంగా వేధింపులకు గురి చేస్తున్నారని ఆవేదన వ్యక్తం చేశారు.
