తెలుగులోనూ బ్లాక్‌బస్టర్‌ ఖాయం

తమిళంలో బ్లాక్‌ బస్టర్‌ సాధించిన 'డా..డా' చిత్రాన్ని తెలుగులో 'పా.. పా..' టైటిల్‌తో జెకె ఎంటర్టైన్మెంట్స్‌ బ్యానర్‌పై నిర్మాత నీరజ కోటతమిళంలో బ్లాక్‌ బస్టర్‌ సాధించిన ‘డా..డా’ చిత్రాన్ని తెలుగులో ‘పా.. పా..’ టైటిల్‌తో జెకె ఎంటర్టైన్మెంట్స్‌ బ్యానర్‌పై నిర్మాత నీరజ కోట విడుదల చేయబోతున్నారు. ఈనెల 13న ఆంధ్ర, తెలంగాణతో పాటు అమెరికా, ఆస్ట్రేలియా థియేటర్‌లలో ఈ సినిమా గ్రాండ్‌గా రిలీజ్‌ కానుంది. తాజాగా ఈ చిత్ర ట్రైలర్‌ను డైరెక్టర్‌ మారుతి విడుదల చేశారు.

ఈ సందర్భంగా ఆయన మాట్లాడుతూ,’తమిళ సెన్సేషనల్‌ మూవీ ‘డా..డా’ని తెలుగులో ‘పా.. పా..’ పేరుతో విడుదలవ్వడం సంతోషంగా ఉంది. ఈ సినిమా తెలుగులోనూ బ్లాక్‌ బస్టర్‌ అవ్వడం ఖాయం. ఈ సబ్జెక్ట్‌ తెలుగు ప్రేక్షకులకు బాగా కనెక్ట్‌ అవుతుంది’ అని తెలిపారు.
కవిన్‌, అపర్ణ దాస్‌ ప్రధాన పాత్రదారులుగా డైరెక్టర్‌ గణేష్‌ కె బాబు తెరకెక్కించిన ‘డా..డా’ చిత్రం తమిళ ప్రేక్షకులను విపరీతంగా ఆకట్టుకుంది. డిస్ట్రిబ్యూటర్‌లకు కాసుల వర్షం కురిపించింది. అతి తక్కువ బడ్జెట్‌తో తెరకెక్కిన ఈ సినిమా సుమారు రూ.30 కోట్లు వసూళ్లు సాధించి, బ్లాక్‌ బస్టర్‌ విజయాన్ని నమోదు చేసుకుంది. హృదయాల్ని స్పృశించే పాటలు ఈ సినిమాకు మరో హైలైట్‌. ఒకప్పటి పాపులర్‌ సాంగ్స్‌ మాదిరిగానే ఈ సినిమా పాటలు చిరస్థాయిగా నిలిచిపోవడం ఖాయమని చిత్ర యూనిట్‌ చెబుతోంది.
తండ్రీ కొడుకుల సెంటిమెంట్‌తో తెరకెక్కిన ఈ సినిమా తెలుగు ప్రేక్షకులను కూడా బాగా ఆకట్టుకుంటుందని నిర్మాత నీరజ కోట తెలిపారు. భావోద్వేగం, ప్రేమ, కామెడీ.. ఇవన్నీ సరైన స్థాయిలో మిక్స్‌ చేసిన ఈ ఫీల్‌ గుడ్‌ ఎమోషనల్‌ డ్రామా ప్రేక్షకులకు కూడా బాగా కనెక్ట్‌ అవుతుంది. తెలుగు రాష్ట్రాల్లో ఎంజీఎం సంస్థ నుంచి అచ్చిబాబు విడుదల చేయబోతున్నారని ఆమె చెప్పారు.