వెంకటేష్‌ నటిస్తున్న తన 75వ చిత్రం ‘సైంధవ్‌’. శైలేష్‌ కొలను దర్శకత్వంలో రూపొం దుతున్న ఈ చిత్రంలో ఊహించని థ్రిల్స్‌తోపాటు ఇంటెన్స్‌ యాక్షన్‌, మంచి భావోద్వేగాలను కూడా ఉన్నాయి. తండ్రీకూతుళ్ల బంధం సినిమాకు మెయిన్‌ ఎసెట్‌. ఇటీవల విడుదలైన రెండవ సింగిల్‌ హీరో కుటుంబంలోని ఆనందాన్ని చూపించింది. తాజాగా విడుదలైన మూడో సింగిల్‌ ‘బుజ్జి కొండవే’ తండ్రీకూతుళ్ల అనుబంధానికి సంబంధించిన మరో షేడ్‌ ప్రజెంట్‌ చేస్తోంది. ఈ సిస్ట్యువేషన్‌కి తగినట్లు సంతోష్‌ నారాయణన్‌ అద్భుతమైన ట్యూన్‌ని అందించారు. రామజోగయ్య శాస్త్రి తన అద్భుతమైన లిరిక్స్‌ సన్నివేశాన్ని మనసుని హత్తుకునేలా చెప్పారు. ఎస్పీ చరణ్‌ తన మ్యాజికల్‌ వాయిస్‌తో భావోద్వేగాలకు మరింత లోతును జోడించారు. నిహారిక ఎంటర్‌టైన్‌మెంట్‌ పతాకంపై వెంకట్‌ బోయనపల్లి నిర్మిస్తున్న ఈ చిత్రానికి ఎస్‌.మణికందన్‌ సినిమాటోగ్రఫీ అందిస్తున్నారు. సంక్రాంతి కానుకగా జనవరి 13 ఈ సినిమా అన్ని దక్షిణ భారతీయ భాషలతోపాటు హిందీలోనూ విడుదల కానుంది. నవాజుద్దీన్‌ సిద్ధిఖీ, ఆర్య, శ్రద్ధా శ్రీనాథ్‌, రుహాని శర్మ, ఆండ్రియా జెరెమియా, సారా, జయప్రకాష్‌ ఇందులో కీలక పాత్రలు పోషిస్తున్నారు. ఈచిత్రానికి సహ నిర్మాత: కిషోర్‌ తాళ్లూరు, ఎగ్జిక్యూటివ్‌ ప్రొడ్యూసర్‌: ఎస్‌ వెంకటరత్నం.
