అజయ్, రవిప్రకాశ్‌, హర్షిణి, మాండవియా సెజల్‌, చమ్మక్‌ చంద్ర, చిత్రం శ్రీను ముఖ్య తారలుగా రూపొందిన చిత్రం ‘కేస్‌ నెం.15’. బీజీ వెంచర్స్‌ పతాకంపై స్వీయ దర్శకత్వంలో తడకల వంకర్‌ రాజేశ్‌ రూపొందించిన ఈ చిత్రం ఈ నెల 26న ప్రపంచవ్యాప్తంగా విడుదల కానుంది. ఈ సందర్భంగా తడకల వంకర్‌ రాజేశ్‌ మాట్లాడుతూ, ‘సస్పెన్స్‌ క్రైమ్‌ థ్రిల్లర్‌ ఇది. బలమైన కథాశంతో తెరకెక్కించిన ఈ చిత్రంలోని సన్నివేశాలు ప్రేక్షకులను ఉత్కంఠకు గురి చేస్తాయి. అజరుకి మంచి పేరు వస్తుంది. రవిప్రకాశ్‌ ఓ డిఫరెంట్‌ పోలీసాఫీసర్‌ పాత్ర చేశారు. జాన్‌ మంచి సంగీతం ఇచ్చారు. సినిమాలో ఉన్న ఒకే ఒక్క పాటకు మంచి స్పందన లభించింది. ఆనం వెంకట్‌ అద్భుతమైన సినిమాటోగ్రఫీ ఇచ్చారు. ఎక్కడా రాజీపడకుండా నిర్మించిన ఈ చిత్రం ప్రేక్షకులకు మంచి అనుభూతిని ఇచ్చే విధంగా ఉంటుంది’ అని తెలిపారు.
