దేశ జన గణనలో కుల గణన జరపాలి ….

నవతెలంగాణ-భువనగిరి కలెక్టరేట్ : దేశ జనగణనలో కుల గణన జరపాలని ఈ పార్లమెంట్ సమావేశాల్లోనే బీసీలకు 50 శాతం చట్టసభలలో రిజర్వేషన్ బిల్లు పెట్టి అమలు పరచాలని బీసీ హక్కుల సాధన సమితి జిల్లా కౌన్సిల్ ఆధ్వర్యంలో బుధవారం  యాదాద్రి భువనగిరి జిల్లా కలెక్టరేట్ సూపరెంటెండెంట్ శ్రీనివాస్ రెడ్డి కి మెమోరాండం అందజేశారు.

కేంద్రంలో బీసీలకు ప్రత్యేక మంత్రిత్వ శాఖను ఏర్పాటు చేయాలని 2 లక్షల కోట్లతో బీసీ సంక్షేమ అభివృద్ధి కొరకు బడ్జెట్లో నిధులు కేటాయించాలని రాష్ట్రంలో బీసీ జనాభా ప్రాతిపదికన స్థానిక సంస్థల్లో రిజర్వేషన్ కల్పించిన తర్వాతే ఎన్నికల నిర్వహించాలని అన్నారు.

బడ్జెట్లో నిధులు జనాభా ప్రాతిపదికన కేటాయించాలని, ఉపాధి అభివృద్ధికి ఖర్చు చేయాలని సబ్సిడీ రుణాలు వృత్తిదారులకు అందించాలని, బిసి అట్రాసిటీ చట్టాన్ని రూపొందించి, అమలు చేయాలని యాదాద్రి భువనగిరి జిల్లా కేంద్రంలో బీసీ భవన్ నిర్మించాలని కోరారు. ఈ కార్యక్రమంలో బీసీ హక్కుల సాధన సమితి జిల్లా అధ్యక్ష, కార్యదర్శులు కళ్లెం కృష్ణ, ఏషాల అశోక్, బీసీ నాయకులు బండి జంగమ్మ,  అన్యమైన వెంకటేశం, కస్తూరి బిక్షపతి, జల్ది రాములు, గోపగాని రాజు, పేరబోయిన బంగారి, మెరిగ వెంకటేష్ రులు పాల్గొన్నారు.