– ముత్తారం ఎస్ఐ గోపతి నరేష్నవతెలంగాణ ముత్తారం : పాత సంవత్సరానికి వీడ్కోలు పలుకుతూ నూతన సంవత్సరంకు స్వాగతం తెలుపుతూ జరుపుకునే వేడుకలు ప్రశాంత వాతావరణంలో నిర్వహించుకోవాలని ముత్తారం ఎస్ఐ గోపతి నరేష్ మండల ప్రజలకు సూచించారు. డిసెంబర్ 31 రాత్రి నూతన సంవత్సర వేడుకల సందర్భంగా ఎస్ఐ ఒక ప్రకటనలో మండల ప్రజలకు సూచనలు, హెచ్చరికలు చేశారు. మండలంలో డిజెలు, ఎక్కువ శబ్దాన్ని ఇచ్చే సౌండ్ సిస్టంను వినియోగించరాదని అన్నారు. మద్యం సేవించి రోడ్లపై ర్యాష్ డ్రైవింగ్ రాంగ్ రూట్, త్రిబుల్ డ్రైవింగ్ చేస్తూ వాహనాలు నడుపరాదని, ఎవరైనా అలా చేస్తే కఠిన చర్యలు తప్పవని హెచ్చరించారు. రాత్రి వేళ కేకలు వేస్తూ వాహనాలపై తిరగుతూ గుంపులు, గుంపులుగా చేరి నడి రోడ్డుపై కేకులు కోసి అల్లర్లు, గొడవలకు, బెదిరింపులకు పాల్పడరాదని, హద్దు మీరి ప్రవర్తిస్తే చర్యలు తప్పవని హెచ్చరించారు. అన్ని ప్రాంతాలలో పెట్రోలింగ్, విసబుల్ పోలిసింగ్, వాహనాల తనిఖీలు, స్పెషల్ డ్రంక్ అండ్ డ్రైవ్ ముమ్మరంగా ఉంటాయని తెలిపారు. మద్యం సేవించి అల్లర్లకు పాల్పడడం, ద్విచక్ర వాహనాలకు సైలేన్సర్ తీసేసి అధిక శబ్దాలతో హెూరెత్తించడటం, బాణాస చాపేల్చడం వంటి వాటి వలన ప్రశాంతతకు భంగం కలిగి ప్రజలకు ఇబ్బంది కలుగుతుందని, ఇలాంటి వాటికి పాల్పడితే తగిన చర్యలు తప్పవని తెలిపారు. మహిళల పట్ల అసభ్యకరంగా ప్రవర్తించినా, ఈవ్ టీజింగ్ కు పాల్పడినా చట్ట రీత్యా కఠిన చర్యలు తీసుకోబడుతాయని, తల్లిదండ్రులు ఈ విషయాలను గమనించి పిల్లలపై ప్రత్యేక శ్రద్ధ తీసుకోవాలని సూచిం చారు. ఈ సందర్భంగా మండల ప్రజలకు ఎస్ఐ గోపతి నరేష్ నూతన సంవత్సర శుభాకాంక్షలు తెలిపారు.
