రాస్తే కతలు కతలు
చూస్తే అంతుచిక్కని
వెతల మాటున
ఎవరికి వారే యమునా తీరే
తలరాతల్లో పిచ్చిగీతల చిత్తుపటం
నమ్మకమనే మత్తులో జోగాడుతున్న
ఊయల దారపు ఊగులాట
తెగేవరకు బండి లాగాల్సిందే
మండుతున్న చితిమీద
మసాలాదోశ ముచ్చట్లు
అచ్చమయిన మనిషి చిల్లంకొల్లం
గుండ్రటిదనుకునే భూమి మీద
లోతు తెలియని అడుగులు
వయసుడిగిన తండ్రి
ముడతలు పడ్డ దేహంతో తల్లి
సెలయేరయి పారుతున్న కన్నీరు
జీవితం ఇక
పాత ఇనుప సామాను బండి
వాళ్ళకిక మిగిలింది
ఇనుపముక్క లాంటి హదయమున్న
మనుషులు మాత్రమే
– డా.తండ హరీష్‌
8978439551
