దీపావళికి మట్టి దివ్వెలు వాడాలి

పట్టణ ప్రజలందరూ దీపావళి పండుగ సందర్భంగా దీపాలు వెలిగించుటకు మట్టి దివ్వెలు వాడాలని హుస్నాబాద్ మున్సిపల్ చైర్మన్ ఆకుల రజిత అన్నారు. మంగళవారం  హుస్నాబాద్ పట్టణంలో స్వచ్ దీవాలి శుభ్ దీవాలి అనే కార్యక్రమాన్ని ఏర్పాటు చేశారు. ఈ సందర్భంగా మాట్లాడుతూ దీపావళి వేడుకలలో బాణసంచాను తక్కువగా ఉపయోగించి పర్యావరణ కాలుష్యాన్ని తగ్గించాలని సూచించారు. ఇంటి చుట్టు పరిసరాలను పరిశుభ్రంగా ఉంచుకొని దీపావళి పండుగను సంతోషంగా జరుపుకోవాలని కోరారు. ఈ కార్యక్రమంలో కమిషనర్ మల్లికార్జున్ గౌడ్, వైస్ చైర్మన్ అనిత రెడ్డి ,కౌన్సిలర్స్ నళిని దేవి , స్వర్ణలత , భాగ్య రెడ్డి , పద్మ , సరోజన , సుప్రజ, పర్యావరణ అధికారి రవికుమార్ పాల్గొన్నారు.