– సీఐటీయూ జిల్లా కార్యదర్శి కల్లూరి మల్లేశం..నవతెలంగాణ భువనగిరి కలెక్టరేట్
కలెక్టరేట్ లో పనిచేస్తున్న పారిశుధ్య కార్మికులకు కనీస వేతనం ఇవ్వాలని సెంటర్ ఆఫ్ ఇండియన్ ట్రేడ్ యూనియన్స్(సీఐటీయూ) జిల్లా కార్యదర్శి కల్లూరి మల్లేశం డిమాండ్ చేశారు. సోమవారం రోజున కలెక్టరేట్ లో పనిచేస్తున్న స్వీపర్స్ , గార్డెన్ లో పనిచేస్తున్న పారిశుధ్య కార్మికులకు కనీస వేతనం ఇవ్వాలని కోరుతూ కార్మికులతో కలిసి గ్రీవెన్స్ డే లో అదరపు కలెక్టర్కు సీఐటీయూ ఆధ్వర్యంలో వినతిపత్రం అందజేశారు. ఈ సందర్భంగా కల్లూరి మల్లేశం మాట్లాడుతూ.. నెలకు కేవలం రూ.7,500 మాత్రమే ఇస్తున్నారని కనీస వేతనం రూ.15,000 ఇవ్వాలని డిమాండ్ చేశారు. పి ఎఫ్, ఈ యస్ ఐ అమలు చేయాలని కోరారు. ఈ కార్యక్రమంలో కాంట్రాక్టర్, అవుట్ సోర్సింగ్ ఎంప్లాయీస్ అండ్ వర్కర్స్ యూనియన్ అధ్యక్ష,కార్యదర్శులు రేఖ, బాలయ్య నాయకులు వసంత, సంతోష, గిరి, మమత, సునీత, రేణుక, లక్ష్మి, హేమలత, యాదమ్మ లు పాల్గొన్నారు.
