నవతెలంగాణ – ఆర్మూర్ ఉమ్మడి జిల్లాల జూనియర్ మెన్ హ్యాండ్ బాల్ ఎంపికలు పట్టణంలోని పెర్కిట్ విశాఖ నగర్ నవ్య భారతి గ్లోబల్ స్కూలు యందు నిర్వహించినారు.
తెలంగాణ రాష్ట్రం హ్యాండ్ బాల్ సంఘం ప్రధాన కార్యదర్శి శ్యామల పవన్ కుమార్ ఆదేశాల మేరకు ఉమ్మడి జిల్లాల జూనియర్ మేన్ హ్యాండ్ బాల్స్ ఎంపికలు నిర్వహించినట్టు జిల్లా హ్యాండ్ బాల్ అసోసియేషన్ అధ్యక్షులు గంగ మోహన్ చక్రు, ప్రధాన కార్యదర్శి పింజ సురేందర్ లు మంగళవారం తెలిపారు ఈ ఎంపికకు నిజాంబాద్ కామారెడ్డి వివిధ స్కూల్స్ కాలేజ్ ల నుండి60 మంది క్రీడాకారులు పాల్గొనడం జరిగింది. మంచి ప్రతిభ కనబరిచిన క్రీడాకారులను నిజామాబాద్ జిల్లా జూనియర్ మెన్ హ్యాండ్ బాల్ జట్టుకు ఎంపిక చేయడం జరిగినది. ఈ ఎంపికైన క్రీడాకారులు ఈనెల 8,9,10 తేదీలలో వరంగల్ జిల్లా జడ్పిహెచ్ఎస్ పైడిపల్లి స్కూల్ లో జరగబోయే 45వ తెలంగాణ రాష్ట్ర స్థాయి జూనియర్ మెన్ హ్యాండ్ బాల్ పోటీలలో పాల్గొనడం జరుగుతుందని తెలిపారు. ఈ కార్యక్రమంలో జిల్లా హ్యాండ్ బాల్ సంఘం ప్రధాన కార్యదర్శి పింజ సురేందర్, కోశాధికారి గట్టడి రాజేష్ నవ్య భారతి గ్లోబల్ స్కూల్ డైరెక్టర్ జవహర్ హాకీ సంఘం ప్రధాన కార్యదర్శి సదమస్తుల రమణ, కొండ్రా అంజు, సంజీవ్ నవీన్ రాహుల్ అనూష తదితరులు పాల్గొన్నారు.
