– మెడికవర్‌ హాస్పిటల్స్‌ ఆధ్వర్యంలో నిర్వహణ
నవతెలంగాణ-సిటీబ్యూరో
చట్టం, వైద్య శాస్త్రం ఒక దానిపై మరొకటి చూపే సంక్లిష్టమైన అంశాలను వివరించే ప్రయత్నంలో, ఇంటర్నేషనల్‌ ఆర్బిట్రేషన్‌ అండ్‌ మీడియేషన్‌ సెంటర్‌, హైదరాబాద్‌ సహకారంతో, ”బాలెన్సింగ్‌ రెస్పాన్సిబిలిటీ : మెడిసిన్‌, లా అండ్‌ మెడికల్‌ నెగ్లిజెన్స్‌” అనే అంశంపై మెడికవర్‌ హాస్పిటల్స్‌ సదస్సు నిర్వహించింది. ఈ భాగస్వామ్య ప్రయత్నం, చట్టం, వైద్యశాస్త్రం పరంగా సమస్యాత్మక అంశాలను అన్వేషించడం లక్ష్యంగా పెట్టుకుంది. ఈ కార్యక్రమానికి ముఖ్య అతిథిగా హైకోర్టు న్యాయమూర్తి జస్టిస్‌ విజయసేన్‌ రెడ్డి హాజరు కాగా, గౌరవ అతిథిగా తెలంగాణ, ఉత్తరాఖండ్‌ రాష్ట్రాల మాజీ హైకోర్టు ప్రధాన న్యాయమూర్తి జస్టిస్‌ రాఘవేంద్ర సింగ్‌ చౌహాన్‌ హాజరయ్యారు. న్యాయ నిపుణులు, ఆరోగ్య సంరక్షణ నిపుణులతో కూడిన ప్యానెల్‌, వైద్యపరమైన నిర్లక్ష్యం, ఆరోగ్య సంరక్షణ పద్ధతులను నియంత్రించే చట్టపరమైన విధానాలకు సంబంధించి వివిధ అంశాలపై సమగ్రంగా చర్చించారు. ఈ సందర్భంగా జస్టిస్‌ విజరుసేన్‌ వైద్యపరమైన నిర్లక్ష్యం కేసుల్లో బాధ్యతకు సంబంధించిన సూక్ష్మ అంశాలు, అలాంటి విషయాల్లో న్యాయపరమైన నిర్ణయాలకు మార్గనిర్దేశం చేసే న్యాయశాస్త్ర విధానాలను గురించి వెల్లడించారు. ఈ పానెల్‌లో జస్టిస్‌ రాఘవేంద్ర సింగ్‌ చౌహాన్‌, అశ్విన్‌ సప్రా, భాగస్వామి (హెడ్‌- ఫార్మా అండ్‌ హెల్త్‌కేర్‌), సిరిల్‌ అమర్‌చంద్‌ మంగళదాస్‌బీ డాక్టర్‌ అన్నం శరత్‌ రెడ్డి, సీనియర్‌ కన్సల్టెంట్‌ ఇంటర్వెన్షనల్‌ కార్డియాలజిస్ట్‌, ఎగ్జిక్యూటివ్‌ డైరెక్టర్‌, మెడికవర్‌ హాస్పిటల్స్‌, ఇండియాబీ తారిఖ్‌ ఖాన్‌, రిజిస్ట్రార్‌, ఇంటర్నేషనల్‌ ఆర్బిట్రేషన్‌ అండ్‌ మీడియేషన్‌ సెంటర్‌, హైదరాబాద్‌, ఇషా సిన్హా, చీఫ్‌ లీగల్‌ అండ్‌ కంప్లయన్స్‌ ఆఫీసర్‌, మెడికవర్‌ హాస్పిటల్స్‌, ఇండియా, ఉన్నారు. ఆరోగ్య సంరక్షణ నిపుణుల కోసం చట్టపరమైన రక్షణలు, రోగుల హక్కులు, భద్రతా ప్రమాణాలకు భరోసా ఇస్తూ అనవసర వ్యాజ్యం నుంచి రక్షణ వంటి అంశాలపై వీరు చర్చించారు. ఈ కార్యక్రమంలో ఆరోగ్య సంరక్షణ సంస్థలు ఎదుర్కొంటున్న నియంత్రణ సవాళ్లు, ముఖ్యంగా డిజిటలైజేషన్‌, ఇప్పటికే ఉన్న చట్టాలు, నిబంధనలకు అనుగుణంగా ఎదురవుతున్న సవాళ్ళను గురించి చర్చించారు. ఆరోగ్య సంరక్షణ సంబంధిత వివాదాలకు సంబంధించిన వివాదాలను పరిష్కరించడానికి ఆర్బిట్రేషన్‌ను విలువైన మెకానిజమ్‌గా ఈ సదస్సు పేర్కొంది. వేగవంతమైన, సామరస్యపూర్వక తీర్మానాలను ప్రోత్సహించడంలో దాని ప్రయోజనాలను నొక్కి చెప్పింది.
