కాంగ్రెస్ పార్టీ పేదల పక్షమే..

Congress party is the party of the poor. ప్రభుత్వ సలహాదారు మొహమ్మద్ అలీ షబ్బీర్
నవతెలంగాణ – కామారెడ్డి
కాంగ్రెస్ పార్టీ అప్పుడు ఇప్పుడు పేదల పక్షమే ఉంటుందని ప్రభుత్వ సలహాదారు మొహమ్మద్ అలీ షబ్బీర్ అన్నారు. కామారెడ్డి పట్టణంలోని జిల్లా కార్యాలయం లో ప్రభుత్వ సలహాదారు మొహమ్మద్ అలీ షబ్బీర్ కామారెడ్డి నియోజకవర్గానికి చెందిన ముఖ్యమంత్రి సహాయ నిధి (సీఎంఆర్ఎఫ్)26 చెక్కులను దాదాపు ఒక కోటి 60 లక్షల రూపాయలు లబ్దిదారులకు పంపిణి చేశారు. ఈ సందర్భంగా షబ్బీర్ అలీ మాట్లాడుతూ కామారెడ్డి నియోజకవర్గంలో శనివారం దాదాపు 26 మందికి సీఎం సహాయ నిధి నుండి నిధులు మంజూరు చేయించడం జరిగింది అన్నారు. అనారోగ్యంతో ఆసుపతలలో చేరి వైద్యం చేయించుకొని అప్పుల పాలైన వారికి సీఎంఆర్ఎఫ్ చెక్కులు ఎంతో కొంత ఉపశమనం కలిగిస్తాయి అన్నారు. పేదలకు సహాయంగా అండగా నియోజకవర్గ ప్రజల మంచి మాత్రమే కోరుకుంటామన్నారు. ఎల్ఓసి సరైన సమయంలో అందక ఎంతోమంది సరైన పత్రాలు సమయానికి అందక ఇబ్బంది పడుతున్నారు. సర్వే అనంతరం డిజిటల్ హెల్త్ కార్డు అందించి 10 లక్షల వరకు నిమ్స్ ఆస్పత్రిలో ఉచిత వైద్యం అందిస్తామన్నారు. జనవరి 26 తర్వాత ఇందిరమ్మ ఇండ్లు, కొత్త రేషన్ కార్డులు అర్హులకు అందిస్తాం అని పేర్కొన్నారు. ఎన్నికల్లో ఇచ్చిన హామీల కంటే ఎక్కువగానే అమలు చేస్తున్నాం, రుణమాఫీ చేసి చూపించాం, రైతు భరోసా త్వరలో అందిస్తున్నాం అన్నారు. మహిళలకు ఉచిత బస్సు , 500 రూపాయలకు గ్యాస్ సిలిండర్ , 200 యూనిట్ వరకు ఉచిత విద్యుత్ అందిస్తున్నాం అన్నారు. ఈ కార్యక్రమంలో కాంగ్రెస్ పార్టీ జిల్లా అధ్యక్షుడు కైలాస శ్రీనివాసరావు, మునిసిపల్ చైర్ పర్సన్ గడ్డం ఎందుకు ప్రియా చంద్రశేఖర్ రెడ్డి, పట్టణ అధ్యక్షు పండ్ల రాజు, బ్లాక్ కాంగ్రెస్ అధ్యక్షులు గోనె శ్రీనివాస్, మాజి వార్డ్ మెంబర్ అంజాత్, కారంగుల అశోక్ రెడ్డి, ఐరేని సందీప్, తేజపు ప్రసాద్, రాజా గౌడ్, లక్కపతిని గంగాధర్, శ్యామ్ గౌడ్,తదితరులు పాల్గొన్నారు.