పేదింటి యువకునికి హైదరాబాద్ లో కార్పొరేట్ వైద్యం..

నవతెలంగాణ-చౌటుప్పల్ రూరల్: చౌటుప్పల్ మండలం చిన్న కొండూరు గ్రామంలో సంవత్సరం క్రితం గ్రామపంచాయతీ ట్రాక్టర్ వెనుక నుండి ఢీ కొట్టిన ఘటనలో తీవ్రంగా గాయపడి మంచానికే పరిమితమైన తిగుళ్ల భాను అనే యువకుడిని జనవరి 26న ఇంటికి వెళ్లి మునుగోడు ఎమ్మెల్యే కోమటిరెడ్డి రాజ గోపాల్ రెడ్డి పరామర్శించారు. మంగళవారం భాను కోలుకోవడానికి ఆర్థిక సాయంతో పాటు హైదరాబాదులో మెరుగైన చికిత్స అందిస్తానని కుటుంబానికి హామి ఇచ్చారు. ఇచ్చిన మాట ప్రకారం వెంటనే తన సిబ్బంది ద్వారా బాను వైద్య రిపోర్టులు తెప్పించి హైదరాబాద్ జూబ్లీహిల్స్ అపోలో డాక్టర్ల ను కన్సల్ట్ అయ్యారు. మంగళవారం ఉదయం తన సొంత ఖర్చులతో చిన్న కొండూరు గ్రామానికి ప్రత్యేక అంబులెన్సు పంపించి భాను ను అపోలో ఆసుపత్రికి తీసుకొచ్చి మెరుగైన వైద్యం చేయిస్తున్నారు.వైద్యం ఎలా అందుతని స్వయంగా ఆసుపత్రికి వెళ్లి డాక్టర్స్ తో మాట్లాడి మెరుగైన చికిత్స అందిచాలని డాక్టర్లను సూచించారు. పేదలమైన మాకు దగ్గరుండి చికిత్స చేయిస్తున్న కోమటిరెడ్డి రాజ్ గోపాల్ రెడ్డిని హత్తుకుని కన్నీటి పర్యంత మయ్యారు బాను కుటుంబ సభ్యులు.భాను కోలుకునేల చేస్తానని కుటుంబ సభ్యులకు మరోసారి హామీ ఇచ్చి గొప్ప మనసు చాటుకున్నారు ఎమ్మెల్యే కోమటిరెడ్డి రాజగోపాల్ రెడ్డి. ఈయన వెంట కాంగ్రెస్ పార్టీ మండల మాజీ అధ్యక్షులు బక్క శ్రీనాథ్ గ్రామస్తులు తదితరులు పాల్గొన్నారు