ఎస్సీ రిజర్వేషన్లలో క్రిమిలేయర్ విధానం పాటించాలి 

ఎస్సీ రిజర్వేషన్లలో క్రీమిలేయర్ తప్పనిసరి ఉండాలంటూ పార్లమెంటులో చట్టం చేయాలని దళిత వికాస సమితి రాష్ట్ర అధ్యక్షుడు కిన్నర సిద్దార్థ్ అన్నారు. దళిత సమన్యాయం ఆధ్వర్యంలో చేపడుతున్న పాదయాత్ర బుదవారం కామారెడ్డి జిల్లా చిన్న మల్లారెడ్డి గ్రామానికి చేరుకుంది. ఈ సందర్భంగా ఏర్పాటుచేసిన కార్యక్రమంలో  ఆయన మాట్లాడుతూ ఆదిలాబాద్లో ప్రారంభమైన ఈ పాదయాత్ర 40 రోజుల పాటు కొనసాగుతూ క్రిమిలేయర్ పై లాభనష్టాల గురించి వివరిస్తూ యాత్ర కొనసాగుతుందన్నారు. గద్వాల జిల్లా అలంపూర్లో ముగుస్తుందన్నారు. ఈ కార్యక్రమంలో దళిత వికాస సమితి ప్రతినిధులు లింగం, బాలరాజు, నర్సింహులు తదితరులు పాల్గొన్నారు.