జి.వి. ప్రకాష్‌, ఐశ్వర్య రాజేష్‌ జంటగా నటిస్తున్న కామెడీ ఫ్యామిలీ డ్రామా ‘డియర్‌’. ఆనంద్‌ రవిచంద్రన్‌ దర్శకత్వం వహిస్తున్నారు. నట్‌మెగ్‌ ప్రొడక్షన్స్‌ ప్రైవేట్‌ లిమిటెడ్‌కి చెందిన వరుణ్‌ త్రిపురనేని, అభిషేక్‌ రామిశెట్టి, జి పథ్వీరాజ్‌ నిర్మించారు. తెలుగు, తమిళ భాషల్లో ఈ సినిమా విడుదలకు ఒక్కరోజు గ్యాప్‌ ఉంది. తమిళ వెర్షన్‌ ఏప్రిల్‌ 11న విడుదల కానుండగా, తెలుగు వెర్షన్‌ ఏప్రిల్‌ 12న విడుదల కానుంది. ఈ చిత్రానికి సంబంధించి ఆంధ్ర థియేట్రికల్‌ హక్కులను అన్నపూర్ణ స్టూడియోస్‌ కొనుగోలు చేయగా, ఏషియన్‌ సినిమాస్‌ తెలంగాణ థియేట్రికల్‌ హక్కులను సొంతం చేసుకుంది. హ్యూజ్‌ థియేట్రికల్‌ చైన్‌ బిజినెస్‌లు ఉన్న ప్రొడక్షన్‌, డిస్ట్రిబ్యూషన్‌ సంస్థల బ్యాకింగ్‌తో ఈ చిత్రం తెలుగు రాష్ట్రాల్లో చాలా గ్రాండ్‌గా విడుదల కానుంది. జివి ప్రకాష్‌ కుమార్‌ సంగీతం అందించిన ఈ చిత్రంలోని పాటలు ఇప్పటికే విశేష ఆదరణ పొంది, సినిమాపై అందరిలోనూ అంచనాలను పెంచాయి.
