ప్రపంచంలోనే అత్యధిక యువత కలిగిన దేశంగా మన భారత్‌ విరాజిల్లుతోంది. వివిధ రంగాల్లో అభివృద్ధి మన యువత మీదనే ఆధా రపడి ఉంటుంది అనేది వాస్తవం. నూతన పరిశోధనలకు, ఆవిష్క రణలకు నేటి యువత కృషి చేయవలసి ఉంటుంది. ఆ విధంగా యువత పురోగతి సాధించాలంటే కేంద్ర,రాష్ట్ర ప్రభుత్వాలు అందరికీ విద్య వైద్యం అందించేందుకు ప్రాధాన్యత ఇవ్వాలి. భారత రాజ్యాంగం ప్రకారం దేశంలో ప్రతీ ఒక్కరూ సమాన అవకాశాలు అందిపుచ్చుకుని ముందుకు సాగాలి. ఇటు వంటి మహా సంకల్పం సాధించడానికి ప్రభు త్వా లు తమ ప్రణాళికలు రూ పొందించి అమలు చేయ డంతో పాటు, కుటుంబ సభ్యులు ముఖ్యంగా తల్లి దండ్రులు పాత్ర కీలక మని గ్రహించాలి. ”మొక్కై వంగనది, మానై వంగునా….” అని పెద్ద లు చెబుతారు. అనగా చిన్ననాటి నుంచి పిల్ల లకు చదువు, సంస్కారం, మంచి అలవాట్లు, ప్రవ ర్తన నేర్పాలి. అప్పుడు మాత్రమే కుటుంబాలకు, దేశానికి మంచి తరాలను అందించగలం. అ యితే, ఇటీవల కాలంలో దేశంలో యువతలో చాలా మంది అనేక చెడు వ్యసనాలకు బానిసలుగా మారుతున్నారు. అటు కుటుంబానికి, ఇటు దేశానికి అభివృద్ధి నిరోధకులుగా పరిణిమిస్తూ వివిధ సమస్యలకు కేరాఫ్‌ అడ్రస్‌ గా మారు తుండటం పట్ల సర్వత్రా ఆందోళన వ్యక్తమవుతోంది.
హత్యలు, లైంగికదాడులు, ప్రేమించాలని వేధింపులు కాదంటే యా సిడ్‌ దాడులు, మత్తులకు బానిసలు, సామాజిక మాధ్యమాల్లో విహ రించడం, వివాహేతర సంబంధాలు, సైబర్‌ నేరాలు ఇలా అనేక విధా లుగా మునిగి తేలుతున్నారు. దీనికి ప్రధాన కారణం మద్యం, డ్రగ్స్‌.మన దేశంలోకి డ్రగ్స్‌ ముఖ్యంగా సరిహద్దు ప్రాంతాలు నుంచి ఎక్కువ మోతాదులో చేరుతున్నాయి. పాక్‌, మయన్మార్‌ సరిహద్దు ప్రాంతాలు నుంచి ఈ డ్రగ్స్‌ కుప్పలు తెప్పలుగా దేశం నలుమూలల వచ్చి చేరుతూ యువతను అన్ని విధాలా నాశనం చేస్తున్నాయి. మయన్మార్‌లోని పర్వత ప్రాంతాల్లో పండిస్తున్న గంజాయి ముఖ్యంగా నల్లమందు (ఓపియం) అసోం, నాగాలాండ్‌, మణిపూర్‌, మిజోరం మీదుగా దేశంలో ప్రవేసిస్తూ యువతను నిర్వీర్యం చేస్తున్నాయి. 2018లో జరిపిన ఒక సర్వేలో దేశంలో 23.2కోట్ల మంది డ్రగ్స్‌కు బానిస అయ్యారని, వీరిలో 10నుంచి 17 ఏండ్ల వయస్సు గలవారు సుమారు 1.5 కోట్ల మంది ఉన్నారు అని తెలిపింది. ఐక్యరాజ్యసమితి యు. ఎన్‌. ఓ.డి.సి. కూడా భారత్‌ యువత లోని మత్తులకు బానిసలు అవటం పట్ల తీవ్రంగా ఆందోళన వ్యక్తం చేసింది.
2022 ఫిబ్రవరిలో నాటికి ఒక్క అసోం రాష్ట్రంలోనే 2,878 కేసులు నమోదు చేసి, 4,691 మందిని అరెస్టు చేశారంటే ఎంత దారుణంగా ఈ దందా కొనసాగుతుందో అర్థం చేసుకోవచ్చు. ఈ ఏడాది ఒక్క ఫిబ్రవరిలోనే రూ.1273.65 కోట్ల విలువైన డ్రగ్స్‌ స్వాధీనం చేసుకు న్నారు. కేంద్ర, రాష్ట్ర ప్రభుత్వాలు డ్రగ్స్‌ విషయంలో మరింత కఠినంగా వ్యవహరించాలి. డ్రగ్‌ పెడ్లర్స్‌పై ఉక్కుపాదం మోపాలి. సరిహద్దుల్లో నిఘా పెంచాలి. అనుమానిత విదేశీయులుపై డేగకన్నుతో పరిశీలిం చాలి. పబ్స్‌, బార్‌, వివిధ పార్టీల ప్రదేశాలపై నిఘా పెంచాలి. ఇటీవల కాలంలో సెల్‌, రకరకాల వెబ్‌ సైట్లు యాప్‌లు అందుబాటులోకి రావ డంతో అన్ని ప్రదేశాలకు, అందరికీ ఈ డ్రగ్స్‌ రక రకాల మార్గాల ద్వారా సులభంగా చేరిపోతున్నాయి. అన్ని శాఖలు అప్రమత్తంగా ఉండాలి. పారదర్శకంగా పని చేయాలి. లేదంటే ”గోల్డెన్‌ ట్రయాంగల్‌”గా పేరు పొందిన ఈ సరిహద్దు ప్రాంతాలు దేశ యువతకు ”డెత్‌ ట్రయాంగల్‌”గా మారే ప్రమాదముంది!
– రావుశ్రీ
