ఆర్.కె. ఫిలింస్, స్నిగ్ధ క్రియేషన్స్ బ్యానర్స్పై దర్శక, నిర్మాత, తెలంగాణ ఫిలిమ్ ఛాంబర్ అధ్యక్షుడు ప్రతాని రామకష్ణగౌడ్ స్వీయ దర్శకత్వంలో రూపొందిస్తున్న చిత్రం ‘దీక్ష’. పినిశెట్టి అశోక్ కుమార్, మదాడి కష్ణారెడ్డి నిర్మాతలు. కిరణ్ కుమార్, అలేఖ్యరెడ్డి జంటగా నటిస్తున్నారు. ఇటీవల తెలంగాణ ఫిలింఛాంబర్లో చిత్ర ప్రోగ్రెస్ను మీడియాకి తెలిపారు.
ఈ సందర్భంగా ఆర్.కె.గౌడ్ మాట్లాడుతూ, ‘ఈ సినిమా షూటింగ్ పూర్తయింది. డబ్బింగ్ జరుగుతోంది. దీక్ష ఉంటే ఏదైనా సాధించగలం అనే పాయింట్తో మూవీని తెరకెక్కించాం. ఈ మూవీలో హీరో కిరణ్ చేసిన స్టంట్స్, భీముడు, ఆంజనేయుడు వంటి గెటప్స్లో ఆకట్టుకునే సీన్స్ హైలైట్ అవుతాయి. ఈ సినిమాలో నలుగురు హీరోయిన్స్ను పరిచయం చేస్తున్నాం. సినిమా పెద్ద హిట్ అవుతుందని నమ్ముతున్నాం. అలాగే ‘మహిళా కబడ్డీ’ అనే మరో చిత్రాన్ని18 భాషల్లో తెరకెక్కంచబోతున్నాం’ అని తెలిపారు.
‘గతంలో నేను తెలుగులో పది, తమిళంలో రెండు సినిమాలు హీరోగా చేశాను. ఈ సినిమాతో నాకు మంచి పేరుతో పాటు అవార్డ్స్ వస్తాయని ఆశిస్తున్నాను. ఇందులో రియలిస్టిక్గా ఒక భారీ ఫైట్ సీక్వెన్స్ చేశాం’ అని హీరో కిరణ్ చెప్పారు. రైటర్ రాంప్రసాద్ మాట్లాడుతూ, ‘గతంలో ఎన్టిఆర్ నటించిన ”దీక్ష” టైటిల్ ఈ చిత్రానికి యాప్ట్ అవుతుంది. కషి ఉంటే మనుషులు ఋషులవుతారు మహా పురుషులవుతారు ”దీక్ష”తో ఏదైనా సాధ్యమే అన్నదే ఈ చిత్ర కథ’ అని అన్నారు. ‘ఈ సినిమాలో హీరో కిరణ్, హీరోయిన్ అలేఖ్యరెడ్డితో పాటు మరో లీడ్రోల్లో నేను నటించాను. నాకు మంచి డైలాగ్స్ ఉంటాయి. కథ కూడా ఆకట్టుకునేలా ఉంటుంది. ఈ సినిమా విజయం సాధించాలని కోరుకుంటున్నా’ అని నటి తులసి చెప్పారు. న